गुज़री थी एक बार जो दिल की गली से मैं
दो-चार आज भी हूँ उसी बे-कली से मैं
बे-ज़ार इस क़दर हूँ ग़म-ए-आशिक़ी से मैं
मुझ से ज़रा ख़फ़ा है ख़ुशी और ख़ुशी से मैं
निकली हूँ जब से ढूँडने बे-लौस चाहतें
धोका ही खा रही हूँ बड़ी सादगी से मैं
मा'दूम उस की आँख से पहचान हो गई
जैसे कि मिल रही थी किसी अजनबी से मैं
जिंस-ए-वफ़ा जहान में नायाब क्यों हुई
रो रो के पूछती रही हर आदमी से मैं
अपनी ख़ुशी से वैसे बसर तो न कर सकी
नाराज़ भी नहीं हूँ मगर ज़िंदगी से मैं
मैं ने भी साफ़ लफ़्ज़ों में ग़म से ये कह दिया
पीछा छुड़ा के आई हूँ अफ़्सुर्दगी से मैं
मय-ख़ाना चल के रिंद का ख़ुद पूछता है हाल
मानूस इस तरह से हूँ अब मय-कशी से मैं
जाम-ओ-सुबू नहीं तिरी आँखों से अब पिला
ऐ साक़ी मर न जाऊँ कहीं तिश्नगी से मैं
guzrī thī ek baar jo dil kī galī se maiñ
do-chār aaj bhī huuñ usī be-kalī se maiñ
be-zār is qadar huuñ ġham-e-āshiqī se maiñ
mujh se zarā ḳhafā hai ḳhushī aur ḳhushī se maiñ
niklī huuñ jab se DhūñDne be-laus chāhateñ
dhokā hī khā rahī huuñ baḌī sādgī se maiñ
ma.adūm us kī aañkh se pahchān ho ga.ī
jaise ki mill rahī thī kisī ajnabī se maiñ
jins-e-vafā jahān meñ nāyāb kyoñ huī
ro ro ke pūchhtī rahī har aadmī se maiñ
apnī ḳhushī se vaise basar to na kar sakī
nārāz bhī nahīñ huuñ magar zindagī se maiñ
maiñ ne bhī saaf lafzoñ meñ ġham se ye kah diyā
pīchhā chhuḌā ke aa.ī huuñ afsurdagī se maiñ
mai-ḳhāna chal ke riñd kā ḳhud pūchhtā hai haal
mānūs is tarah se huuñ ab mai-kashī se maiñ
jām-o-subū nahīñ tirī āñkhoñ se ab pilā
ai saaqī mar na jā.ūñ kahīñ tishnagī se maiñ
گزری تھی ایک بار جو دل کی گلی سے میں
دو چار آج بھی ہوں اسی بے کلی سے میں
بیزار اس قدر ہوں غم عاشقی سے میں
مجھ سے ذرا خفا ہے خوشی اور خوشی سے میں
نکلی ہوں جب سے ڈھونڈنے بے لوث چاہتیں
دھوکا ہی کھا رہی ہوں بڑی سادگی سے میں
معدوم اس کی آنکھ سے پہچان ہو گئی
جیسے کہ مل رہی تھی کسی اجنبی سے میں
جنس وفا جہان میں نایاب کیوں ہوئی
رو رو کے پوچھتی رہی ہر آدمی سے میں
اپنی خوشی سے ویسے بسر تو نہ کر سکی
ناراض بھی نہیں ہوں مگر زندگی سے میں
میں نے بھی صاف لفظوں میں غم سے یہ کہہ دیا
پیچھا چھڑا کے آئی ہوں افسردگی سے میں
مے خانہ چل کے رند کا خود پوچھتا ہے حال
مانوس اس طرح سے ہوں اب مے کشی سے میں
جام و سبو نہیں تری آنکھوں سے اب پلا
اے ساقی مر نہ جاؤں کہیں تشنگی سے میں