बिन पिए इक ख़ुमार था क्या था
तेरा चेहरा बहार था क्या था
वो रह-ए-इश्क़ में जुनूँ अपना
दिल जो तुझ पर निसार था क्या था
वो मिरा वहम या हक़ीक़त थी
तेरी नज़रों में प्यार था क्या था
बज़्म में तेरी मेहरबाँ थे बहुत
मेरा उन में शुमार था क्या था
वक़्त-ए-रुख़्सत किसी की आँखों में
छाया कैसा ग़ुबार था क्या था
वो भी रोया था दर्द-ए-फ़ुर्क़त में
लग रहा अश्क-बार था क्या था
तेरे दिल में सदा खटकता रहा
बद-गुमानी का ख़ार था क्या था
कर के फिर मेरे ए'तिबार का ख़ून
जो गया है वो यार था क्या था
हम थे उलझन में आप भी चुप थे
कौन सर पर सवार था क्या था
मैं तो मर कर भी मुंतज़िर ही रही
वो तिरा इंतिज़ार था क्या था
bin piye ik ḳhumār thā kyā thā
terā chehra bahār thā kyā thā
vo rah-e-ishq meñ junūñ apnā
dil jo tujh par nisār thā kyā thā
vo mirā vahm yā haqīqat thī
terī nazroñ meñ pyaar thā kyā thā
bazm meñ terī mehrbāñ the bahut
merā un meñ shumār thā kyā thā
vaqt-e-ruḳhsat kisī kī āñkhoñ meñ
chhāyā kaisā ġhubār thā kyā thā
vo bhī royā thā dard-e-furqat meñ
lag rahā ashk-bār thā kyā thā
tere dil meñ sadā khaTaktā rahā
bad-gumānī kā ḳhaar thā kyā thā
kar ke phir mere e'tibār kā ḳhuun
jo gayā hai vo yaar thā kyā thā
ham the uljhan meñ aap bhī chup the
kaun sar par savār thā kyā thā
maiñ to mar kar bhī muntazir hī rahī
vo tirā intizār thā kyā thā
بن پئے اک خمار تھا کیا تھا
تیرا چہرہ بہار تھا کیا تھا
وہ رہ عشق میں جنوں اپنا
دل جو تجھ پر نثار تھا کیا تھا
وہ مرا وہم یا حقیقت تھی
تیری نظروں میں پیار تھا کیا تھا
بزم میں تیری مہرباں تھے بہت
میرا ان میں شمار تھا کیا تھا
وقت رخصت کسی کی آنکھوں میں
چھایا کیسا غبار تھا کیا تھا
وہ بھی رویا تھا درد فرقت میں
لگ رہا اشک بار تھا کیا تھا
تیرے دل میں سدا کھٹکتا رہا
بد گمانی کا خار تھا کیا تھا
کر کے پھر میرے اعتبار کا خون
جو گیا ہے وہ یار تھا کیا تھا
ہم تھے الجھن میں آپ بھی چپ تھے
کون سر پر سوار تھا کیا تھا
میں تو مر کر بھی منتظر ہی رہی
وہ ترا انتظار تھا کیا تھا