पाबंदी-ए-हुदूद से बेगाना चाहिए
दामाँ ब-क़द्र-ए-वहशत-ए-दीवाना चाहिए
होता है फ़ाश गिर्या-ए-पैहम से राज़-ए-इश्क़
ऐ शम्अ' राज़-दारी-ए-परवाना चाहिए
ज़ौक़-ए-उबूदियत है तअ'य्युन से बे-नियाज़
हम-सूरत-ए-जबीं दर-ए-जानाना चाहिए
बज़्म-ए-नियाज़-ए-इश्क़ में हूँ आश्ना-ए-होश
बे-पर्दा आज फिर रुख़-ए-जानाना चाहिए
ऐ ज़ौक़-ए-इज्ज़ जल्वा-गह-ए-यार है क़रीब
पा-ए-तलब में लग़्ज़िश-ए-मस्ताना चाहिए
'ताबिश' ग़म-ए-हयात ही वज्ह-ए-नशात है
हर एक दाग़ सूरत-ए-पैमाना चाहिए
pābandī-e-hudūd se begāna chāhiye
dāmāñ ba-qadr-e-vahshat-e-dīvāna chāhiye
hotā hai faash girya-e-paiham se rāz-e-ishq
ai sham.a rāz-dārī-e-parvāna chāhiye
zauq-e-ubūdiyat hai ta.ayyun se be-niyāz
ham-sūrat-e-jabīñ dar-e-jānāna chāhiye
bazm-e-niyāz-e-ishq meñ huuñ āshnā-e-hosh
be-parda aaj phir ruḳh-e-jānāna chāhiye
ai zauq-e-ijz jalva-gah-e-yār hai qarīb
pā-e-talab meñ laġhzish-e-mastāna chāhiye
'tābish' ġham-e-hayāt hī vaj.h-e-nashāt hai
har ek daaġh sūrat-e-paimāna chāhiye
پابندیٔ حدود سے بیگانہ چاہئے
داماں بقدر وحشت دیوانہ چاہئے
ہوتا ہے فاش گریۂ پیہم سے راز عشق
اے شمع راز داریٔ پروانہ چاہئے
ذوق عبودیت ہے تعین سے بے نیاز
ہم صورت جبیں در جانانہ چاہئے
بزم نیاز عشق میں ہوں آشنائے ہوش
بے پردہ آج پھر رخ جانانہ چاہئے
اے ذوق عجز جلوہ گہہ یار ہے قریب
پائے طلب میں لغزش مستانہ چاہئے
تابشؔ غم حیات ہی وجہ نشاط ہے
ہر ایک داغ صورت پیمانہ چاہئے