निकली जो आज तक न किसी की ज़बान से
टकरा रही है बात वही मेरे कान से
सोता रहा मैं ख़ौफ़ की चादर लपेट कर
आसेब चीख़ते रहे ख़ाली मकान से
अक्सर मैं एक ज़हर बुझे तीर की तरह
निकला हूँ हादसात की तिरछी कमान से
फैला हुआ है हद्द-ए-नज़र तक सुकूत-ए-मर्ग
आवाज़ दे रहा है कोई आसमान से
तन्हाइयों को सौंप के तारीकियों का ज़हर
रातों को भाग आए हम अपने मकान से
मुमकिन है ख़ूब खुल के हो गुफ़्त-ओ-शुनीद आज
वो भी ख़फ़ा है हम भी हैं कुछ बद-गुमान से
ऐ 'कैफ़' जिन को बुग़्ज़ नई शायरी से है
वो भी तिरे कलाम को पढ़ते हैं ध्यान से
niklī jo aaj tak na kisī kī zabān se
Takrā rahī hai baat vahī mere kaan se
sotā rahā maiñ ḳhauf kī chādar lapeT kar
aaseb chīḳhte rahe ḳhālī makān se
aksar maiñ ek zahr bujhe tiir kī tarah
niklā huuñ hādsāt kī tirchhī kamān se
phailā huā hai hadd-e-nazar tak sukūt-e-marg
āvāz de rahā hai koī āsmān se
tanhā.iyoñ ko sauñp ke tārīkiyoñ kā zahr
rātoñ ko bhaag aa.e ham apne makān se
mumkin hai ḳhuub khul ke ho guft-o-shunīd aaj
vo bhī ḳhafā hai ham bhī haiñ kuchh bad-gumān se
ai 'kaif' jin ko buġhz na.ī shā.erī se hai
vo bhī tire kalām ko paḌhte haiñ dhyān se
نکلی جو آج تک نہ کسی کی زبان سے
ٹکرا رہی ہے بات وہی میرے کان سے
سوتا رہا میں خوف کی چادر لپیٹ کر
آسیب چیختے رہے خالی مکان سے
اکثر میں ایک زہر بجھے تیر کی طرح
نکلا ہوں حادثات کی ترچھی کمان سے
پھیلا ہوا ہے حد نظر تک سکوت مرگ
آواز دے رہا ہے کوئی آسمان سے
تنہائیوں کو سونپ کے تاریکیوں کا زہر
راتوں کو بھاگ آئے ہم اپنے مکان سے
ممکن ہے خوب کھل کے ہو گفت و شنید آج
وہ بھی خفا ہے ہم بھی ہیں کچھ بد گمان سے
اے کیفؔ جن کو بغض نئی شاعری سے ہے
وہ بھی ترے کلام کو پڑھتے ہیں دھیان سے