निगाह-ए-शर्मगीं सहर-आफ़रीं मालूम होती है
ये दुश्मन है मगर दुश्मन नहीं मालूम होती है
मोअ'त्तर है मशाम-ए-जाँ बहार-ए-हुस्न-ए-रंगीं से
खुली फिर आज ज़ुल्फ़-ए-अम्बरीं मालूम होती है
कहीं हैरत में नर्गिस है कहीं गुल चाक-दामन है
मोहब्बत की फ़ज़ा कितनी हसीं मालूम होती है
उड़ाई ख़ाक मैं ने इस क़दर कू-ए-मोहब्बत की
कि अपने सर पे भी मुझ को ज़मीं मालूम होती है
ख़लिश-हा-ए-तमन्ना की शिकायत क्या दिल-ए-नादाँ
मोहब्बत में मुसीबत भी कहीं मालूम होती है
ख़ुदा जाने चमन में आज क्या गुज़री नशेमन पर
परेशाँ ख़ुद-बख़ुद जान-ए-हज़ीं मालूम होती है
ये आकर दिल में फिर दिल से नहीं मिटती नहीं जाती
हसीनों की तमन्ना भी हसीं मालूम होती है
बहार-ए-गुलशन-ए-हस्ती पे क्यों नाज़ाँ है ऐ गुलचीं
छुपी शायद ख़िज़ाँ इस में नहीं मालूम होती है
'वफ़ा' हो या जफ़ा हो कुछ नहीं इस से ग़रज़ मुझ को
किसी की हर अदा दिल को हसीं मालूम होती है
nigāh-e-sharmagīñ sahr-āfrīñ ma.alūm hotī hai
ye dushman hai magar dushman nahīñ ma.alūm hotī hai
mo.attar hai mashām-e-jāñ bahār-e-husn-e-rangīñ se
khulī phir aaj zulf-e-ambarīñ ma.alūm hotī hai
kahīñ hairat meñ nargis hai kahīñ gul chāk-dāman hai
mohabbat kī fazā kitnī hasīñ ma.alūm hotī hai
uḌaa.ī ḳhaak maiñ ne is qadar kū-e-mohabbat kī
ki apne sar pe bhī mujh ko zamīñ ma.alūm hotī hai
ḳhalish-hā-e-tamanna kī shikāyat kyā dil-e-nādāñ
mohabbat meñ musībat bhī kahīñ ma.alūm hotī hai
ḳhudā jaane chaman meñ aaj kyā guzrī nasheman par
pareshāñ ḳhud-baḳhud jān-e-hazīñ ma.alūm hotī hai
ye aakar dil meñ phir dil se nahīñ miTtī nahīñ jaatī
hasīnoñ kī tamanna bhī hasīñ ma.alūm hotī hai
bahār-e-gulshan-e-hastī pe kyoñ nāzāñ hai ai gulchīñ
chhupī shāyad ḳhizāñ is meñ nahīñ ma.alūm hotī hai
'vafā' ho yā jafā ho kuchh nahīñ is se ġharaz mujh ko
kisī kī har adā dil ko hasīñ ma.alūm hotī hai
نگاہ شرمگیں سحر آفریں معلوم ہوتی ہے
یہ دشمن ہے مگر دشمن نہیں معلوم ہوتی ہے
معطر ہے مشام جاں بہار حسن رنگیں سے
کھلی پھر آج زلف عنبریں معلوم ہوتی ہے
کہیں حیرت میں نرگس ہے کہیں گل چاک دامن ہے
محبت کی فضا کتنی حسیں معلوم ہوتی ہے
اڑائی خاک میں نے اس قدر کوئے محبت کی
کہ اپنے سر پہ بھی مجھ کو زمیں معلوم ہوتی ہے
خلش ہائے تمنا کی شکایت کیا دل ناداں
محبت میں مصیبت بھی کہیں معلوم ہوتی ہے
خدا جانے چمن میں آج کیا گزری نشیمن پر
پریشاں خود بخود جان حزیں معلوم ہوتی ہے
یہ آکر دل میں پھر دل سے نہیں مٹتی نہیں جاتی
حسینوں کی تمنا بھی حسیں معلوم ہوتی ہے
بہار گلشن ہستی پہ کیوں نازاں ہے اے گلچیں
چھپی شاید خزاں اس میں نہیں معلوم ہوتی ہے
وفاؔ ہو یا جفا ہو کچھ نہیں اس سے غرض مجھ کو
کسی کی ہر ادا دل کو حسیں معلوم ہوتی ہے