नज़र को वक़्फ़-ए-जमाल कर के न ज़िक्र कर लुत्फ़-ए-ज़िंदगी का
हुसूल-ए-मक़्सद जहाँ में मुश्किल यहाँ हुआ कौन कब किसी का
उसी की अब तक नवा-ए-रंगीं बनी हुई है हयात-ए-इंसाँ
सुकूत-ए-पैहम के बाद तू ने जो साज़ छेड़ा था ज़िंदगी का
जुनून-ए-फ़ितरत भी पल रहा था नुक़ूश-ए-हसरत उभर रहे थे
नवेद-ए-उल्फ़त को सुन के चौंके करम था शायद ये बे-ख़ुदी का
कभी न आँखों से अश्क निकले कभी न शिकवा ज़बाँ पे आया
यक़ीन है तुम तड़प उठोगे कहूँगा जब हाल बेबसी का
उसी के सुनने की है तमन्ना 'वफ़ा' उसी की मुझे हवस है
नवा-ए-उल्फ़त के साथ उस ने जो साज़ छेड़ा था ज़िंदगी का
nazar ko vaqf-e-jamāl kar ke na zikr kar lutf-e-zindagī kā
husūl-e-maqsad jahāñ meñ mushkil yahāñ huā kaun kab kisī kā
usī kī ab tak navā-e-rangīñ banī huī hai hayāt-e-insāñ
sukūt-e-paiham ke baad tū ne jo saaz chheḌā thā zindagī kā
junūn-e-fitrat bhī pal rahā thā nuqūsh-e-hasrat ubhar rahe the
naved-e-ulfat ko sun ke chauñke karam thā shāyad ye be-ḳhudī kā
kabhī na āñkhoñ se ashk nikle kabhī na shikva zabāñ pe aaya
yaqīn hai tum taḌap uThoge kahūñgā jab haal bebasī kā
usī ke sunñe kī hai tamanna 'vafā' usī kī mujhe havas hai
navā-e-ulfat ke saath us ne jo saaz chheḌā thā zindagī kā
نظر کو وقف جمال کر کے نہ ذکر کر لطف زندگی کا
حصول مقصد جہاں میں مشکل یہاں ہوا کون کب کسی کا
اسی کی اب تک نوائے رنگیں بنی ہوئی ہے حیات انساں
سکوت پیہم کے بعد تو نے جو ساز چھیڑا تھا زندگی کا
جنون فطرت بھی پل رہا تھا نقوش حسرت ابھر رہے تھے
نوید الفت کو سن کے چونکے کرم تھا شاید یہ بے خودی کا
کبھی نہ آنکھوں سے اشک نکلے کبھی نہ شکوہ زباں پہ آیا
یقین ہے تم تڑپ اٹھوگے کہوں گا جب حال بے بسی کا
اسی کے سننے کی ہے تمنا وفاؔ اسی کی مجھے ہوس ہے
نوائے الفت کے ساتھ اس نے جو ساز چھیڑا تھا زندگی کا