नशात-ए-वस्ल के हंगामे कब नहीं रखता
मैं कोई शय भी यहाँ बे-तलब नहीं रखता
मुझे पता हैं तिरी बरहमी के सारे सबब
मुझे ख़बर है तू कुछ बे-सबब नहीं रखता
हमारा यार है हस्सास इस मु’आमले में
अदब के साथ कोई बे-अदब नहीं रखता
हमेशा हुस्न को देखा गया है दाद-तलब
मगर वो हुस्न तो कोई तलब नहीं रखता
फ़सील-ए-दिल की मुंडेरों पे वो चराग़ मिरे
जब उस की चाह नहीं होती तब नहीं रखता
जुनूँ-नज़ाद है तिमसाल-ए-आइना मेरा
सो अपने आप में क्या क्या ग़ज़ब नहीं रखता
उसे ख़बर है कि रखना है क्या नहीं रखना
सो जो भी हाथ लगे सब का सब नहीं रखता
nashāt-e-vasl ke hangāme kab nahīñ rakhtā
maiñ koī shai bhī yahāñ be-talab nahīñ rakhtā
mujhe pata haiñ tirī barhamī ke saare sabab
mujhe ḳhabar hai tū kuchh be-sabab nahīñ rakhtā
hamārā yaar hai hassās is mu’āmle meñ
adab ke saath koī be-adab nahīñ rakhtā
hamesha husn ko dekhā gayā hai dād-talab
magar vo husn to koī talab nahīñ rakhtā
fasīl-e-dil kī muñDeroñ pe vo charāġh mire
jab us kī chaah nahīñ hotī tab nahīñ rakhtā
junūñ-nazhād hai timsāl-e-ā.ina merā
so apne aap meñ kyā kyā ġhazab nahīñ rakhtā
use ḳhabar hai ki rakhnā hai kyā nahīñ rakhnā
so jo bhī haath lage sab kā sab nahīñ rakhtā
نشاط وصل کے ہنگامے کب نہیں رکھتا
میں کوئی شے بھی یہاں بے طلب نہیں رکھتا
مجھے پتہ ہیں تری برہمی کے سارے سبب
مجھے خبر ہے تو کچھ بے سبب نہیں رکھتا
ہمارا یار ہے حساس اس معاملے میں
ادب کے ساتھ کوئی بے ادب نہیں رکھتا
ہمیشہ حسن کو دیکھا گیا ہے داد طلب
مگر وہ حسن تو کوئی طلب نہیں رکھتا
فصیل دل کی منڈیروں پہ وہ چراغ مرے
جب اس کی چاہ نہیں ہوتی تب نہیں رکھتا
جنوں نژاد ہے تمثال آئنہ میرا
سو اپنے آپ میں کیا کیا غضب نہیں رکھتا
اسے خبر ہے کہ رکھنا ہے کیا نہیں رکھنا
سو جو بھی ہاتھ لگے سب کا سب نہیں رکھتا