नहीं उड़ाऊँगा ख़ाक रोया नहीं करूँगा
करूँगा मैं इश्क़ पर तमाशा नहीं करूँगा
मिरी मोहब्बत भी ख़ास है क्यूँकि ख़ास हूँ मैं
सो आम लोगों में ज़िक्र इस का नहीं करूँगा
उसे बताओ फ़रार का नाम तो नहीं इश्क़
जो कह रहा है मैं कार-ए-दुनिया नहीं करूँगा
कभी न सोचा था गुफ़्तुगू भी करूँगा घंटों
और अपनी बातों में ज़िक्र तेरा नहीं करूँगा
इरादतन जो किया है अब तक ग़लत किया है
सो अब कोई काम बिल-इरादा नहीं करूँगा
तुझे मैं अपना नहीं समझता इसी लिए तो
ज़माने तुझ से मैं कोई शिकवा नहीं करूँगा
मिरी तवज्जोह फ़क़त मिरे काम पर रहेगी
मैं ख़ुद को साबित करूँगा दावा नहीं करूँगा
अगर मैं हारा तो मान लूँगा शिकस्त अपनी
तिरी तरह से कोई बहाना नहीं करूँगा
अगर किसी मस्लहत में पीछे हटा हूँ 'तैमूर'
तो मत समझना कि अब मैं हमला नहीं करूँगा
nahīñ uḌā.ūñgā ḳhaak royā nahīñ karūñgā
karūñgā maiñ ishq par tamāshā nahīñ karūñgā
mirī mohabbat bhī ḳhaas hai kyūñki ḳhaas huuñ maiñ
so aam logoñ meñ zikr is kā nahīñ karūñgā
use batāo farār kā naam to nahīñ ishq
jo kah rahā hai maiñ kār-e-duniyā nahīñ karūñgā
kabhī na sochā thā guftugū bhī karūñgā ghanToñ
aur apnī bātoñ meñ zikr terā nahīñ karūñgā
irādatan jo kiyā hai ab tak ġhalat kiyā hai
so ab koī kaam bil-irāda nahīñ karūñgā
tujhe maiñ apnā nahīñ samajhtā isī liye to
zamāne tujh se maiñ koī shikva nahīñ karūñgā
mirī tavajjoh faqat mire kaam par rahegī
maiñ ḳhud ko sābit karūñgā da.avā nahīñ karūñgā
agar maiñ haarā to maan lūñgā shikast apnī
tirī tarah se koī bahāna nahīñ karūñgā
agar kisī maslahat meñ pīchhe haTā huuñ 'taimūr'
to mat samajhnā ki ab maiñ hamla nahīñ karūñgā
نہیں اڑاؤں گا خاک رویا نہیں کروں گا
کروں گا میں عشق پر تماشا نہیں کروں گا
مری محبت بھی خاص ہے کیونکہ خاص ہوں میں
سو عام لوگوں میں ذکر اس کا نہیں کروں گا
اسے بتاؤ فرار کا نام تو نہیں عشق
جو کہہ رہا ہے میں کار دنیا نہیں کروں گا
کبھی نہ سوچا تھا گفتگو بھی کروں گا گھنٹوں
اور اپنی باتوں میں ذکر تیرا نہیں کروں گا
ارادتاً جو کیا ہے اب تک غلط کیا ہے
سو اب کوئی کام بالارادہ نہیں کروں گا
تجھے میں اپنا نہیں سمجھتا اسی لیے تو
زمانے تجھ سے میں کوئی شکوہ نہیں کروں گا
مری توجہ فقط مرے کام پر رہے گی
میں خود کو ثابت کروں گا دعویٰ نہیں کروں گا
اگر میں ہارا تو مان لوں گا شکست اپنی
تری طرح سے کوئی بہانہ نہیں کروں گا
اگر کسی مصلحت میں پیچھے ہٹا ہوں تیمورؔ
تو مت سمجھنا کہ اب میں حملہ نہیں کروں گا