नहीं मुमकिन कि तिरे हुक्म से बाहर मैं हूँ
ऐ सनम ताबे-ए-फ़रमान-ए-मुक़द्दर मैं हूँ
दिल तो हैरान है क्यूँ शश्दर-ओ-मुज़्तर मैं हूँ
इश्क़ कहता है कि उस पर्दे के अंदर मैं हूँ
पैरव-ए-सिलसिला-ए-ज़ुल्फ़-ए-मुअंबर मैं हूँ
तौक़ से उज़्र न ज़ंजीर से बाहर मैं हूँ
आब-रू-ए-सदफ़ ओ ज़ीनत-ए-गोश-ए-महबूब
दुर्र-ए-नायाब जो सुनते हो वो गौहर मैं हूँ
अब सुबुक-दोश मैं हूँ बोझ गले का टल जाए
तेग़-ए-क़ातिल से इलाही कहें बे-सर मैं हूँ
ताएर-ए-क़िबला-नुमा का है इशारा मुझ से
नामा पहुँचाने को परदार कबूतर मैं हूँ
आई फिर फ़स्ल-ए-बहारी मदद ऐ जोश-ए-जुनूँ
दो क़दम चल नहीं सकता हूँ वो लाग़र मैं हूँ
नुत्क़ कहता है कि ईसा मिरा दम भरता है
दहन-ए-यार को दावा है कि कौसर मैं हूँ
जादू बर-हक़ है तो काफ़िर है अयाँ रा-चे-बयाँ
तेरा मारा हुआ ऐ चश्म-ए-फ़ुसूँ-गर मैं हूँ
मोहतसिब को भी हिदायत करूँ मय-नोशी की
वाइज़ा तेरी जगह गर सर-ए-मिंबर मैं हूँ
न उन्हें मेरी शिकायत न मुझे उन का गिला
न कुदूरत उन्हें मुझ से न मुकद्दर मैं हूँ
हैरत-ए-हुस्न से इक सकता का आलम देखा
आईना मुँह को तिरे तकता है शश्दर मैं हूँ
दौर-ए-फ़रहाद गया ये है ज़माना मेरा
बे-सुतूँ अब तो उठाए हुए सर पर मैं हूँ
आज-कल हुस्न-ए-जवानी पे जो है उन को ग़ुरूर
नाज़ कहता है कि अंदाज़ से बाहर मैं हूँ
बर्क़ ओ सीमाब का 'आग़ा' न रहे नाम-ओ-निशाँ
दिल की बेताबी से इक बार जो मुज़्तर मैं हूँ
nahīñ mumkin ki tire hukm se bāhar maiñ huuñ
ai sanam tābe-e-farmān-e-muqaddar maiñ huuñ
dil to hairān hai kyuuñ shashdar-o-muztar maiñ huuñ
ishq kahtā hai ki us parde ke andar maiñ huuñ
pairav-e-silsila-e-zulf-e-muambar maiñ huuñ
tauq se uzr na zanjīr se bāhar maiñ huuñ
āb-rū-e-sadaf o zīnat-e-gosh-e-mahbūb
durr-e-nāyāb jo sunte ho vo gauhar maiñ huuñ
ab subuk-dosh maiñ huuñ bojh gale kā Tal jaa.e
teġh-e-qātil se ilāhī kaheñ be-sar maiñ huuñ
tā.er-e-qibla-numā kā hai ishāra mujh se
naama pahuñchāne ko pardār kabūtar maiñ huuñ
aa.ī phir fasl-e-bahārī madad ai josh-e-junūñ
do qadam chal nahīñ saktā huuñ vo lāġhar maiñ huuñ
nutq kahtā hai ki iisā mirā dam bhartā hai
dahan-e-yār ko da.avā hai ki kausar maiñ huuñ
jaadū bar-haq hai to kāfir hai ayaañ rā-che-bayāñ
terā maarā huā ai chashm-e-fusūñ-gar maiñ huuñ
mohtasib ko bhī hidāyat karūñ mai-noshī kī
vā.izā terī jagah gar sar-e-mimbar maiñ huuñ
na unheñ merī shikāyat na mujhe un kā gila
na kudūrat unheñ mujh se na mukaddar maiñ huuñ
hairat-e-husn se ik sakta kā aalam dekhā
ā.īna muñh ko tire taktā hai shashdar maiñ huuñ
daur-e-farhād gayā ye hai zamāna merā
be-sutūñ ab to uThā.e hue sar par maiñ huuñ
āj-kal husn-e-javānī pe jo hai un ko ġhurūr
naaz kahtā hai ki andāz se bāhar maiñ huuñ
barq o sīmāb kā 'āġhā' na rahe nām-o-nishāñ
dil kī betābī se ik baar jo muztar maiñ huuñ
نہیں ممکن کہ ترے حکم سے باہر میں ہوں
اے صنم تابع فرمان مقدر میں ہوں
دل تو حیران ہے کیوں ششدر و مضطر میں ہوں
عشق کہتا ہے کہ اس پردہ کے اندر میں ہوں
پیر و سلسلۂ زلف معنبر میں ہوں
طوق سے عذر نہ زنجیر سے باہر میں ہوں
آب روئے صدف و زینت گوش محبوب
در نایاب جو سنتے ہو وہ گوہر میں ہوں
اب سبک دوش میں ہوں بوجھ گلے کا ٹل جائے
تیغ قاتل سے الٰہی کہیں بے سر میں ہوں
طائر قبلہ نما کا ہے اشارہ مجھ سے
نامہ پہنچانے کو پردار کبوتر میں ہوں
آئی پھر فصل بہاری مدد اے جوش جنوں
دو قدم چل نہیں سکتا ہوں وہ لاغر میں ہوں
نطق کہتا ہے کہ عیسیٰ مرا دم بھرتا ہے
دہن یار کو دعویٰ ہے کہ کوثر میں ہوں
جادو برحق ہے تو کافر ہے عیاں را چہ بیاں
تیرا مارا ہوا اے چشم فسوں گر میں ہوں
محتسب کو بھی ہدایت کروں مے نوشی کی
واعظا تیری جگہ گر سر منبر میں ہوں
نہ انہیں میری شکایت نہ مجھے ان کا گلہ
نہ کدورت انہیں مجھ سے نہ مکدر میں ہوں
حیرت حسن سے اک سکتہ کا عالم دیکھا
آئینہ منہ کو ترے تکتا ہے ششدر میں ہوں
دور فرہاد گیا یہ ہے زمانہ میرا
بے ستوں اب تو اٹھائے ہوئے سر پر میں ہوں
آج کل حسن جوانی پہ جو ہے ان کو غرور
ناز کہتا ہے کہ انداز سے باہر میں ہوں
برق و سیماب کا آغاؔ نہ رہے نام و نشاں
دل کی بیتابی سے اک بار جو مضطر میں ہوں