दौर साग़र का चले साक़ी दोबारा एक और
अब्र का'बा से उठा है मान कहना एक और
झूमता आता है वो बादल का टुकड़ा एक और
साक़िया भर कर पिला दे जाम-ए-सहबा एक और
दिन को जो कुछ तुम ने देखा ये तो थी सब दिल-लगी
शब को रह जाओ तो दिखलाएँ तमाशा एक और
मैं उन्हें कहता हूँ तुम बेदर्द हो ना-आश्ना
वो लगाते हैं मुझे इल्ज़ाम उल्टा एक और
दिल को नफ़रत हो गई नज़रों से आख़िर गिर गए
तुम से बेहतर अपनी आँखों में समाया एक और
क्यूँ सिसकता छोड़े जाते हो मुझे मक़्तल में तुम
फ़ैसला कर दूँ मैं क़ुर्बां दे के चरका एक और
तेरे आने में तवक़्क़ुफ़ जब हुआ ऐ नामा-बर
ख़त उन्हें बेचैन हो कर हम ने लिक्खा एक और
बंद महरम के खुले कुछ बे-हिजाबी हो चुकी
वो भी अब उठ जाए जो बाक़ी है पर्दा एक और
दोस्त दुश्मन हो गए यारों ने आँखें फेर लीं
रह गया है आप का मुझ को भरोसा एक और
वस्ल की शब में किया मुर्ग़-ए-सहर का बंद-ओ-बस्त
नारा-ए-अल्लाहु-अकबर का है धड़का एक और
हो चुका ज़िक्र-ए-दहन वस्फ़-ए-कमर लिखते हैं हम
दाम में सय्याद के फँसता है अन्क़ा एक और
सैद की कसरत से 'आग़ा' बन पड़ी सय्याद की
दो ने गर पाई रिहाई आ के उलझा एक और
daur sāġhar kā chale saaqī dobārā ek aur
abr kā'ba se uThā hai maan kahnā ek aur
jhūmtā aatā hai vo bādal kā TukḌā ek aur
sāqiyā bhar kar pilā de jām-e-sahbā ek aur
din ko jo kuchh tum ne dekhā ye to thī sab dil-lagī
shab ko rah jaao to dikhlā.eñ tamāshā ek aur
maiñ unheñ kahtā huuñ tum bedard ho nā-āshnā
vo lagāte haiñ mujhe ilzām ulTā ek aur
dil ko nafrat ho ga.ī nazroñ se āḳhir gir ga.e
tum se behtar apnī āñkhoñ meñ samāyā ek aur
kyuuñ sisaktā chhoḌe jaate ho mujhe maqtal meñ tum
faisla kar duuñ maiñ qurbāñ de ke charkā ek aur
tere aane meñ tavaqquf jab huā ai nāma-bar
ḳhat unheñ bechain ho kar ham ne likkhā ek aur
band mahram ke khule kuchh be-hijābī ho chukī
vo bhī ab uTh jaa.e jo baaqī hai pardā ek aur
dost dushman ho ga.e yāroñ ne āñkheñ pher liiñ
rah gayā hai aap kā mujh ko bharosā ek aur
vasl kī shab meñ kiyā murġh-e-sahar kā band-o-bast
na.ara-e-allāhu-akbar kā hai dhaḌkā ek aur
ho chukā zikr-e-dahan vasf-e-kamar likhte haiñ ham
daam meñ sayyād ke phañstā hai anqā ek aur
said kī kasrat se 'āġhā' ban paḌī sayyād kī
do ne gar paa.ī rihā.ī aa ke uljhā ek aur
دور ساغر کا چلے ساقی دوبارا ایک اور
ابر کعبہ سے اٹھا ہے مان کہنا ایک اور
جھومتا آتا ہے وہ بادل کا ٹکڑا ایک اور
ساقیا بھر کر پلا دے جام صہبا ایک اور
دن کو جو کچھ تم نے دیکھا یہ تو تھی سب دل لگی
شب کو رہ جاؤ تو دکھلائیں تماشا ایک اور
میں انہیں کہتا ہوں تم بے درد ہو نا آشنا
وہ لگاتے ہیں مجھے الزام الٹا ایک اور
دل کو نفرت ہو گئی نظروں سے آخر گر گئے
تم سے بہتر اپنی آنکھوں میں سمایا ایک اور
کیوں سسکتا چھوڑے جاتے ہو مجھے مقتل میں تم
فیصلہ کر دوں میں قرباں دے کے چرکا ایک اور
تیرے آنے میں توقف جب ہوا اے نامہ بر
خط انہیں بے چین ہو کر ہم نے لکھا ایک اور
بند محرم کے کھلے کچھ بے حجابی ہو چکی
وہ بھی اب اٹھ جائے جو باقی ہے پردا ایک اور
دوست دشمن ہو گئے یاروں نے آنکھیں پھیر لیں
رہ گیا ہے آپ کا مجھ کو بھروسا ایک اور
وصل کی شب میں کیا مرغ سحر کا بند و بست
نعرۂ اللہ اکبر کا ہے دھڑکا ایک اور
ہو چکا ذکر دہن وصف کمر لکھتے ہیں ہم
دام میں صیاد کے پھنستا ہے عنقا ایک اور
صید کی کثرت سے آغاؔ بن پڑی صیاد کی
دو نے گر پائی رہائی آ کے الجھا ایک اور