नहीं है अश्क से ये ख़ून-ए-नाब आँखों में
भरा है रंग से तेरे शहाब आँखों में
कहाँ निकल सके आँसू नज़र को जाए नहीं
रखा हूँ शक्ल को तेरी मैं दाब आँखों में
उलूही किस की तजल्ली से हो गया हूँ दो-चार
झमक रहा है सदा माहताब आँखों में
हुए हैं जब से वो कैफ़-ए-निगह के आइना-दार
बजाए अश्क भरी है शराब आँखों में
अमल से अपनी ज़बाँ किस तरह न हो बे-कार
जहाँ हो रस्म सवाल-ओ-जवाब आँखों में
हुआ हूँ जब से मैं इतलाक़ उस के से आगाह
जहाँ मैं देखूँ है वाँ बू-तुराब आँखों में
nahīñ hai ashk se ye ḳhūn-e-nāb āñkhoñ meñ
bharā hai rañg se tere shahāb āñkhoñ meñ
kahāñ nikal sake aañsū nazar ko jaa.e nahīñ
rakhā huuñ shakl ko terī maiñ daab āñkhoñ meñ
ulūhī kis kī tajallī se ho gayā huuñ do-chār
jhamak rahā hai sadā māhtāb āñkhoñ meñ
hue haiñ jab se vo kaif-e-nigah ke ā.ina-dār
bajā.e ashk bharī hai sharāb āñkhoñ meñ
amal se apnī zabāñ kis tarah na ho be-kār
jahāñ ho rasm savāl-o-javāb āñkhoñ meñ
huā huuñ jab se maiñ itlāq us ke se āgāh
jahāñ maiñ dekhūñ hai vaañ bū-turāb āñkhoñ meñ
نہیں ہے اشک سے یہ خون ناب آنکھوں میں
بھرا ہے رنگ سے تیرے شہاب آنکھوں میں
کہاں نکل سکے آنسو نظر کو جائے نہیں
رکھا ہوں شکل کو تیری میں داب آنکھوں میں
الوہی کس کی تجلی سے ہو گیا ہوں دو چار
جھمک رہا ہے سدا ماہتاب آنکھوں میں
ہوئے ہیں جب سے وہ کیف نگہ کے آئنہ دار
بجائے اشک بھری ہے شراب آنکھوں میں
عمل سے اپنی زباں کس طرح نہ ہو بیکار
جہاں ہو رسم سوال و جواب آنکھوں میں
ہوا ہوں جب سے میں اطلاق اس کے سے آگاہ
جہاں میں دیکھوں ہے واں بو تراب آنکھوں میں