न फ़ज़ा-ए-इश्क़ में कैफ़ है न वो हुस्न-ए-जल्वा-ए-यार है
न तजल्लियों में मज़ा रहा न वो ज़ोर-ए-बर्क़-ओ-शरार है
न घटा उठी न हवा चली न ख़लिश मिटी न कली खिली
ये फ़रेब-ए-जल्वा-ए-ज़ौक़ है ये तिलिस्म-ए-शौक़-ए-बहार है
कभी अश्क बाइ'स-ए-रंज-ओ-ग़म कभी आह मौजिब-ए-सद-अलम
न ये अश्क वज्ह-ए-सुकून-ए-दिल न ये आह वज्ह-ए-क़रार है
जो असीर-ए-रंज-ओ-अलम नहीं जो फ़िदा-ए-उल्फ़त-ओ-ग़म नहीं
न वो क़द्र-दान-ए-जमाल-ए-गुल न वो आश्ना-ए-बहार है
जो करम हुआ तो सितम नहीं जो सितम हुआ तो करम नहीं
ये अजीब मस्लक-ए-हुस्न है ये अजब अदा का शिआ'र है
न तो रुत फिरी न कँवल खिला न वो दौर-ए-साग़र-ए-मय चला
यही कह के बाग़ से वो उठा जो अदा-शनास-ए-बहार है
वही रंज-ओ-ग़म हैं मुझे 'वफ़ा' वही सोज़ भी वही साज़ भी
न सुकून है न सुकूत है न शकेब है न क़रार है
na fazā-e-ishq meñ kaif hai na vo husn-e-jalva-e-yār hai
na tajalliyoñ meñ mazā rahā na vo zor-e-barq-o-sharār hai
na ghaTā uThī na havā chalī na ḳhalish miTī na kalī khilī
ye fareb-e-jalva-e-zauq hai ye tilism-e-shauq-e-bahār hai
kabhī ashk bā.is-e-ranj-o-ġham kabhī aah maujib-e-sad-alam
na ye ashk vaj.h-e-sukūn-e-dil na ye aah vaj.h-e-qarār hai
jo asīr-e-ranj-o-alam nahīñ jo fidā-e-ulfat-o-ġham nahīñ
na vo qadr-dān-e-jamāl-e-gul na vo āshnā-e-bahār hai
jo karam huā to sitam nahīñ jo sitam huā to karam nahīñ
ye ajiib maslak-e-husn hai ye ajab adā kā shi.ār hai
na to rut phirī na kañval khilā na vo daur-e-sāġhar-e-mai chalā
yahī kah ke baaġh se vo uThā jo adā-shanās-e-bahār hai
vahī ranj-o-ġham haiñ mujhe 'vafā' vahī soz bhī vahī saaz bhī
na sukūn hai na sukūt hai na shakeb hai na qarār hai
نہ فضائے عشق میں کیف ہے نہ وہ حسن جلوۂ یار ہے
نہ تجلیوں میں مزا رہا نہ وہ زور برق و شرار ہے
نہ گھٹا اٹھی نہ ہوا چلی نہ خلش مٹی نہ کلی کھلی
یہ فریب جلوۂ ذوق ہے یہ طلسم شوق بہار ہے
کبھی اشک باعث رنج و غم کبھی آہ موجب صد الم
نہ یہ اشک وجہ سکون دل نہ یہ آہ وجہ قرار ہے
جو اسیر رنج و الم نہیں جو فدائے الفت و غم نہیں
نہ وہ قدردان جمال گل نہ وہ آشنائے بہار ہے
جو کرم ہوا تو ستم نہیں جو ستم ہوا تو کرم نہیں
یہ عجیب مسلک حسن ہے یہ عجب ادا کا شعار ہے
نہ تو رت پھری نہ کنول کھلا نہ وہ دور ساغر مے چلا
یہی کہہ کے باغ سے وہ اٹھا جو ادا شناس بہار ہے
وہی رنج و غم ہیں مجھے وفاؔ وہی سوز بھی وہی ساز بھی
نہ سکون ہے نہ سکوت ہے نہ شکیب ہے نہ قرار ہے