मुझे ऐश ओ इशरत की क़ुदरत नहीं है
करूँ तर्क-ए-दुनिया तो हिम्मत नहीं है
कभी ग़म से मुझ को फ़राग़त नहीं है
कभी आह ओ नाले से फ़ुर्सत नहीं है
सफ़ों की सफ़ें आशिक़ों की उलट दें
क़यामत है ये कोई क़ामत नहीं है
बरसता है मेंह मैं तरसता हूँ मय को
ग़ज़ब है ये बारान-ए-रहमत नहीं है
मिरे सर पे ज़ालिम न लाया हो जिस को
कोई ऐसी दुनिया में आफ़त नहीं है
है मिलना मिरा फ़ख़्र आलम को लेकिन
तिरे पास कुछ मेरी हुरमत नहीं है
मैं गोर-ए-ग़रीबाँ पे जा कर जो देखा
ब-जुज़ नक़्श-ए-पा लौह-ए-तुर्बत नहीं है
बुरी ही तरह मुझ से रूठी हैं मिज़्गाँ
उन्हें कुछ भी चश्म-ए-मुरव्वत नहीं है
तू करता है इबलीस के काम ज़ाहिद
तिरे फ़ेल पर क्यूँके लानत नहीं है
मैं दिल खोल 'ताबाँ' कहाँ जा के रोऊँ
कि दोनों जहाँ में फ़राग़त नहीं है
mujhe aish o ishrat kī qudrat nahīñ hai
karūñ tark-e-duniyā to himmat nahīñ hai
kabhī ġham se mujh ko farāġhat nahīñ hai
kabhī aah o naale se fursat nahīñ hai
safoñ kī safeñ āshiqoñ kī ulaT deñ
qayāmat hai ye koī qāmat nahīñ hai
barastā hai meñh maiñ tarastā huuñ mai ko
ġhazab hai ye bārān-e-rahmat nahīñ hai
mire sar pe zālim na laayā ho jis ko
koī aisī duniyā meñ aafat nahīñ hai
hai milnā mirā faḳhr aalam ko lekin
tire paas kuchh merī hurmat nahīñ hai
maiñ gor-e-ġharībāñ pe jā kar jo dekhā
ba-juz naqsh-e-pā lauh-e-turbat nahīñ hai
burī hī tarah mujh se rūThī haiñ mizhgāñ
unheñ kuchh bhī chashm-e-muravvat nahīñ hai
tū kartā hai iblīs ke kaam zāhid
tire fel par kyūñke lānat nahīñ hai
maiñ dil khol 'tābāñ' kahāñ jā ke ro.uuñ
ki donoñ jahāñ meñ farāġhat nahīñ hai
مجھے عیش و عشرت کی قدرت نہیں ہے
کروں ترک دنیا تو ہمت نہیں ہے
کبھی غم سے مجھ کو فراغت نہیں ہے
کبھی آہ و نالہ سے فرصت نہیں ہے
صفوں کی صفیں عاشقوں کی الٹ دیں
قیامت ہے یہ کوئی قامت نہیں ہے
برستا ہے مینہ میں ترستا ہوں مے کو
غضب ہے یہ باران رحمت نہیں ہے
مرے سر پہ ظالم نہ لایا ہو جس کو
کوئی ایسی دنیا میں آفت نہیں ہے
ہے ملنا مرا فخر عالم کو لیکن
ترے پاس کچھ میری حرمت نہیں ہے
میں گور غریباں پہ جا کر جو دیکھا
بجز نقش پا لوح تربت نہیں ہے
بری ہی طرح مجھ سے روٹھی ہیں مژگاں
انہیں کچھ بھی چشم مروت نہیں ہے
تو کرتا ہے ابلیس کے کام زاہد
ترے فعل پر کیونکے لعنت نہیں ہے
میں دل کھول تاباںؔ کہاں جا کے روؤں
کہ دونوں جہاں میں فراغت نہیں ہے