मोहब्बत बाइस-ए-दीवानगी है और बस मैं हूँ
कि अब पैहम इनायत आप की है और बस मैं हूँ
सुकूँ हासिल है दिन में और न शब को चैन मिलता है
कि अब तो कशमकश में ज़िंदगी है और बस मैं हूँ
न जाने माजरा क्या है नज़र कुछ भी नहीं आता
कि अब हद्द-ए-नज़र तक तीरगी है और बस मैं हूँ
नहीं है आज मुझ को ख़दशा-ए-ज़ुल्मत ज़माने में
रुख़-ए-ताबाँ की उन के रौशनी है और बस मैं हूँ
क़दम क्या डगमगाएँगे रह-ए-उल्फ़त में ऐ साक़ी
बहुत ही मुख़्तसर सी बे-ख़ुदी है और बस मैं हूँ
तिरे नक़्श-ए-क़दम पर सर झुकाना काम है अपना
ख़ुदा शाहिद ये मेरी बंदगी है और बस मैं हूँ
उन्हें रूदाद-ए-ग़म अपनी सुनाऊँ किस तरह 'क़ैसर'
वही उन की अदा-ए-बरहमी है और बस मैं हूँ
mohabbat bā.is-e-dīvāngī hai aur bas maiñ huuñ
ki ab paiham ināyat aap kī hai aur bas maiñ huuñ
sukūñ hāsil hai din meñ aur na shab ko chain miltā hai
ki ab to kashmakash meñ zindagī hai aur bas maiñ huuñ
na jaane mājrā kyā hai nazar kuchh bhī nahīñ aatā
ki ab hadd-e-nazar tak tīrgī hai aur bas maiñ huuñ
nahīñ hai aaj mujh ko ḳhadsha-e-zulmat zamāne meñ
ruḳh-e-tābāñ kī un ke raushnī hai aur bas maiñ huuñ
qadam kyā Dagmagā.eñge rah-e-ulfat meñ ai saaqī
bahut hī muḳhtasar sī be-ḳhudī hai aur bas maiñ huuñ
tire naqsh-e-qadam par sar jhukānā kaam hai apnā
ḳhudā shāhid ye merī bandagī hai aur bas maiñ huuñ
unheñ rūdād-e-ġham apnī sunā.ūñ kis tarah 'qaisar'
vahī un kī adā-e-barhamī hai aur bas maiñ huuñ
محبت باعث دیوانگی ہے اور بس میں ہوں
کہ اب پیہم عنایت آپ کی ہے اور بس میں ہوں
سکوں حاصل ہے دن میں اور نہ شب کو چین ملتا ہے
کہ اب تو کشمکش میں زندگی ہے اور بس میں ہوں
نہ جانے ماجرا کیا ہے نظر کچھ بھی نہیں آتا
کہ اب حد نظر تک تیرگی ہے اور بس میں ہوں
نہیں ہے آج مجھ کو خدشۂ ظلمت زمانے میں
رخ تاباں کی ان کے روشنی ہے اور بس میں ہوں
قدم کیا ڈگمگائیں گے رہ الفت میں اے ساقی
بہت ہی مختصر سی بے خودی ہے اور بس میں ہوں
ترے نقش قدم پر سر جھکانا کام ہے اپنا
خدا شاہد یہ میری بندگی ہے اور بس میں ہوں
انہیں روداد غم اپنی سناؤں کس طرح قیصرؔ
وہی ان کی ادائے برہمی ہے اور بس میں ہوں