मियान-ए-दीद कोई वज्ह-ए-इल्तिफ़ात खुले
कि उस का बंद-ए-क़बा शब के साथ साथ खुले
हज़ार रम्ज़-ओ-किनाए ब-सूरत-ए-तहरीर
अगर खुले तो किसी बे-हुनर के हाथ खुले
खुला कि 'उम्र-ए-रवाँ है ब-रंग-ए-कैफ़-ओ-सुरूर
वो ख़द्द-ओ-ख़ाल बहुत चाँदनी की रात खुले
वो आँख खुलती है पैहम सो वो खुली ही रहे
कहाँ ये फ़िक्र हमें दहर-ए-बे-सबात खुले
शराब वाक़ि’अतन इर्तिक़ा-ए-अहसन है
सो पी रहे हैं मुसलसल कि ये हयात खुले
किसे शु'ऊर मयस्सर है आश्नाई का
किसे नसीब कि उस पर हमारी ज़ात खुले
miyān-e-dīd koī vaj.h-e-iltifāt khule
ki us kā band-e-qabā shab ke saath saath khule
hazār ramz-o-kinā.e ba-sūrat-e-tahrīr
agar khule to kisī be-hunar ke haath khule
khulā ki 'umr-e-ravāñ hai ba-rang-e-kaif-o-surūr
vo ḳhadd-o-ḳhāl bahut chāñdnī kī raat khule
vo aañkh khultī hai paiham so vo khulī hī rahe
kahāñ ye fikr hameñ dahr-e-be-sabāt khule
sharāb vāqi’atan irtiqā-e-ahsan hai
so pī rahe haiñ musalsal ki ye hayāt khule
kise shu'ūr mayassar hai āshnā.ī kā
kise nasīb ki us par hamārī zaat khule
میان دید کوئی وجہ التفات کھلے
کہ اس کا بند قبا شب کے ساتھ ساتھ کھلے
ہزار رمز و کنائے بہ صورت تحریر
اگر کھلے تو کسی بے ہنر کے ہاتھ کھلے
کھلا کہ عمر رواں ہے برنگ کیف و سرور
وہ خد و خال بہت چاندنی کی رات کھلے
وہ آنکھ کھلتی ہے پیہم سو وہ کھلی ہی رہے
کہاں یہ فکر ہمیں دہر بے ثبات کھلے
شراب واقعتاً ارتقائے احسن ہے
سو پی رہے ہیں مسلسل کہ یہ حیات کھلے
کسے شعور میسر ہے آشنائی کا
کسے نصیب کہ اس پر ہماری ذات کھلے