मिशअल-ब-कफ़ कभी तो कभी दिल-ब-दस्त था
मैं सैल-ए-तीरगी में तजल्ली-परस्त था
हर इक कमंद अरसा-ए-आफ़ाक़ ही पे थी
लेकिन बुलंद जितना हुआ उतना पस्त था
थी हौसले की बात ज़माने में ज़िंदगी
क़दमों का फ़ासला भी यहाँ एक जस्त था
बिखरे हुए थे लोग ख़ुद अपने वजूद में
इंसाँ की ज़िंदगी का अजब बंदोबस्त था
मरने के बाद अज़्मत ओ शोहरत से फ़ाएदा
लेकिन जहाँ तमाम ही मुर्दा-परस्त था
सरमाया-ए-हयात थे कुछ नक़्द-ए-दाग़-ए-दिल
सच बात तो है ये कि बहुत तंग-दस्त था
अर्ज़-ए-नियाज़-ए-शौक़ से था बे-नियाज़ दिल
मुल्क-ए-हवस में 'अश्क' अकेला ही मस्त था
mish.al-ba-kaf kabhī to kabhī dil-ba-dast thā
maiñ sail-e-tīrgī meñ tajallī-parast thā
har ik kamand arsa-e-āfāq hī pe thī
lekin buland jitnā huā utnā past thā
thī hausle kī baat zamāne meñ zindagī
qadmoñ kā fāsla bhī yahāñ ek jast thā
bikhre hue the log ḳhud apne vajūd meñ
insāñ kī zindagī kā ajab bandobast thā
marne ke ba.ad azmat o shohrat se fā.eda
lekin jahāñ tamām hī murda-parast thā
sarmāya-e-hayāt the kuchh naqd-e-dāġh-e-dil
sach baat to hai ye ki bahut tañg-dast thā
arz-e-niyāz-e-shauq se thā be-niyāz dil
mulk-e-havas meñ 'ashk' akelā hī mast thā
مشعل بکف کبھی تو کبھی دل بدست تھا
میں سیل تیرگی میں تجلی پرست تھا
ہر اک کمند عرصۂ آفاق ہی پہ تھی
لیکن بلند جتنا ہوا اتنا پست تھا
تھی حوصلے کی بات زمانے میں زندگی
قدموں کا فاصلہ بھی یہاں ایک جست تھا
بکھرے ہوئے تھے لوگ خود اپنے وجود میں
انساں کی زندگی کا عجب بندوبست تھا
مرنے کے بعد عظمت و شہرت سے فائدہ
لیکن جہاں تمام ہی مردہ پرست تھا
سرمایۂ حیات تھے کچھ نقد داغ دل
سچ بات تو ہے یہ کہ بہت تنگ دست تھا
عرض نیاز شوق سے تھا بے نیاز دل
ملک ہوس میں اشکؔ اکیلا ہی مست تھا