मिसाल-ए-ख़्वाब हमेशा किसी सफ़र में रहे
हम अपनी नींद में भी उस की रहगुज़र में रहे
किसी की याद के बादल बरसने वाले थे
बहुत ख़राब था मौसम सो आज घर में रहे
तमाम उम्र उसी जिस्म से शिकायत थी
तमाम उम्र उसी जिस्म के खंडर में रहे
मता-ए-दर्द को आख़िर कहाँ कहाँ रखते
सो मेरे गंज-ए-गिराँ-माया-ए-हुनर में रहे
ये ज़िंदगी है 'क़मर' या कि जंगलों का सफ़र
हर एक लम्हा यहाँ राह-ए-पुर-ख़तर में रहे
misāl-e-ḳhvāb hamesha kisī safar meñ rahe
ham apnī niiñd meñ bhī us kī rahguzar meñ rahe
kisī kī yaad ke bādal barasne vaale the
bahut ḳharāb thā mausam so aaj ghar meñ rahe
tamām umr usī jism se shikāyat thī
tamām umr usī jism ke khañDar meñ rahe
matā-e-dard ko āḳhir kahāñ kahāñ rakhte
so mere ganj-e-girāñ-māya-e-hunar meñ rahe
ye zindagī hai 'qamar' yā ki jañgaloñ kā safar
har ek lamha yahāñ rāh-e-pur-ḳhatar meñ rahe
مثال خواب ہمیشہ کسی سفر میں رہے
ہم اپنی نیند میں بھی اس کی رہ گزر میں رہے
کسی کی یاد کے بادل برسنے والے تھے
بہت خراب تھا موسم سو آج گھر میں رہے
تمام عمر اسی جسم سے شکایت تھی
تمام عمر اسی جسم کے کھنڈر میں رہے
متاع درد کو آخر کہاں کہاں رکھتے
سو میرے گنج گراں مایۂ ہنر میں رہے
یہ زندگی ہے قمرؔ یا کہ جنگلوں کا سفر
ہر ایک لمحہ یہاں راہ پر خطر میں رہے