मिरे चारों तरफ़ एक आहनी दीवार क्यूँ है
अगर सच्चा हूँ मैं सच का मुक़द्दर हार क्यूँ है
निशात-ओ-इम्बिसात-ओ-शादमानी ज़ीस्त ठहरी
तो बतलाए कोई जीना मुझे आज़ार क्यूँ है
मसाफ़त ज़िंदगी है और दुनिया इक सराए
तो इस तमसील में तूफ़ान का किरदार क्यूँ है
जहाँ सच की पज़ीराई के दा'वेदार हैं सब
उसी बज़्म-ए-सुख़न में बोलना दुश्वार क्यूँ है
यक़ीनन हादसे भी जुज़्व-व-ख़ास-ए-ज़िंदगी हैं
हमारा शहर ही इन से मगर दो-चार क्यूँ है
मिरी राहों में जब होते नहीं काँटे 'तसव्वुर'
मैं डर कर सोचता हूँ रास्ता हमवार क्यूँ है
mire chāroñ taraf ek āhanī dīvār kyuuñ hai
agar sachchā huuñ maiñ sach kā muqaddar haar kyuuñ hai
nishāt-o-imbisāt-o-shādmānī ziist Thahrī
to batlā.e koī jiinā mujhe āzār kyuuñ hai
masāfat zindagī hai aur duniyā ik sarā.e
to is tamsīl meñ tūfān kā kirdār kyuuñ hai
jahāñ sach kī pazīrā.ī ke da.avedār haiñ sab
usī bazm-e-suḳhan meñ bolnā dushvār kyuuñ hai
yaqīnan hādse bhī juzv-e-ḳhās-e-zindagī haiñ
hamārā shahr hī in se magar do-chār kyuuñ hai
mirī rāhoñ meñ jab hote nahīñ kāñTe 'tasavvur'
maiñ Dar kar sochtā huuñ rāsta hamvār kyuuñ hai
مرے چاروں طرف ایک آہنی دیوار کیوں ہے
اگر سچا ہوں میں سچ کا مقدر ہار کیوں ہے
نشاط و انبساط و شادمانی زیست ٹھہری
تو بتلائے کوئی جینا مجھے آزار کیوں ہے
مسافت زندگی ہے اور دنیا اک سرائے
تو اس تمثیل میں طوفان کا کردار کیوں ہے
جہاں سچ کی پذیرائی کے دعویدار ہیں سب
اسی بزم سخن میں بولنا دشوار کیوں ہے
یقیناً حادثے بھی جزو خاص زندگی ہیں
ہمارا شہر ہی ان سے مگر دو چار کیوں ہے
مری راہوں میں جب ہوتے نہیں کانٹے تصورؔ
میں ڈر کر سوچتا ہوں راستہ ہموار کیوں ہے