हुसूल-ए-रिज़्क़ के अरमाँ निकालते गुज़री
हयात रेत से सिक्के ही ढालते गुज़री
मुसाफ़िरत की सऊबत में उम्र बीत गई
बची तो पाँव से काँटे निकालते गुज़री
हवा ने जश्न मनाए वो इंतिज़ार की रात
चराग़-ए-हुजरा-ए-फुर्क़त सँभालते गुज़री
वो तेज़ लहर तो हाथों से ले गई कश्ती
फिर उस के बा'द समुंदर खँगालते गुज़री
रसाई जिस की न थी बे-कराँ समुंदर तक
वो मौज-ए-नहर भी छींटे उछालते गुज़री
यही नहीं कि सितारे थे दस्तरस से बईद
ज़रा ज़रा से तमन्ना भी टालते गुज़री
तमाम उम्र 'तसव्वुर' रिदा-ए-बख़्त-ए-सियाह
मशक़्क़तों के लहू से उजालते गुज़री
husūl-e-rizq ke armāñ nikālte guzrī
hayāt ret se sikke hī Dhālte guzrī
musāfirat kī sa.ūbat meñ umr biit ga.ī
bachī to paañv se kāñTe nikālte guzrī
havā ne jashn manā.e vo intizār kī raat
charāġh-e-hujra-e-furqat sambhālte guzrī
vo tez lahar to hāthoñ se le ga.ī kashtī
phir us ke ba.ad samundar khañgālte guzrī
rasā.ī jis kī na thī be-karāñ samundar tak
vo mauj-e-nahr bhī chhīñTe uchhālte guzrī
yahī nahīñ ki sitāre the dastaras se ba.iid
zarā zarā se tamannā bhī Tālte guzrī
tamām umr 'tasavvur' ridā-e-baḳht-e-siyāh
mashaqqatoñ ke lahū se ujālte guzrī
حصول رزق کے ارماں نکالتے گزری
حیات ریت سے سکے ہی ڈھالتے گزری
مسافرت کی صعوبت میں عمر بیت گئی
بچی تو پاؤں سے کانٹے نکالتے گزری
ہوا نے جشن منائے وہ انتظار کی رات
چراغ حجرۂ فرقت سنبھالتے گزری
وہ تیز لہر تو ہاتھوں سے لے گئی کشتی
پھر اس کے بعد سمندر کھنگالتے گزری
رسائی جس کی نہ تھی بے کراں سمندر تک
وہ موج نہر بھی چھینٹے اچھالتے گزری
یہی نہیں کہ ستارے تھے دسترس سے بعید
ذرا ذرا سے تمنا بھی ٹالتے گزری
تمام عمر تصورؔ ردائے بخت سیاہ
مشقتوں کے لہو سے اجالتے گزری