मिरे आगे वो सूरत आ रही है
निगाह-ए-आरज़ू थर्रा रही है
सदा-ए-ज़िंदगी ये आ रही है
तमन्ना आज़माई जा रही है
तवज्जोह से सुनो तुम नग़्मा-ए-इश्क़
हमारी आरज़ू कुछ गा रही है
ज़रा सहरा-नवर्दी कीजिए फिर
हमें वहशत यही समझा रही है
इलाही हो दिल-ए-बेताब की ख़ैर
किसी की याद फिर तड़पा रही है
बढ़ा जाता है दरमाँ से मिरा दर्द
सदा-ए-दिल ये पैहम आ रही है
रुख़-ए-रंगीं किसी का है नज़र में
बहार-ए-ज़िंदगी इतरा रही है
मशिय्यत नाम है ताक़त का शायद
अबस ग़ैरत तिरी शर्मा रही है
तसव्वुर और फिर लुत्फ़-ए-तसव्वुर
हमें तो नींद इस से आ रही है
निगाह-ए-नाज़ को जुम्बिश तो फिर दो
न जाने क्यों अदा ये भा रही है
हयात-ओ-मौत की इस कश्मकश को
अजल भी देख कर घबरा रही है
सुनाऊँ दास्तान-ए-ज़िंदगी क्या
मुसीबत पर मुसीबत आ रही है
सँभल जाए तबीअत ग़ैर मुमकिन
तमन्ना क्यों इसे बहला रही है
मुबारक हो नवेद-ए-मर्ग तुम को
हमारी बे-कसी ये गा रही है
हवा-ए-रंज की तासीर देखो
मसर्रत की कली कुम्हला रही है
करूँ सैर-ए-बयाबाँ अब 'वफ़ा' मैं
मिरी वहशत मुझे ले जा रही है
mire aage vo sūrat aa rahī hai
nigāh-e-ārzū tharrā rahī hai
sadā-e-zindagī ye aa rahī hai
tamanna āzmā.ī jā rahī hai
tavajjoh se suno tum naġhma-e-ishq
hamārī aarzū kuchh gā rahī hai
zarā sahrā-navardī kījiye phir
hameñ vahshat yahī samjhā rahī hai
ilāhī ho dil-e-betāb kī ḳhair
kisī kī yaad phir taḌpā rahī hai
baḌhā jaatā hai darmāñ se mirā dard
sadā-e-dil ye paiham aa rahī hai
ruḳh-e-rangīñ kisī kā hai nazar meñ
bahār-e-zindagī itrā rahī hai
mashiyyat naam hai tāqat kā shāyad
abas ġhairat tirī sharmā rahī hai
tasavvur aur phir lutf-e-tasavvur
hameñ to niiñd is se aa rahī hai
nigāh-e-nāz ko jumbish to phir do
na jaane kyoñ adā ye bhā rahī hai
hayāt-o-maut kī is kashmakash ko
ajal bhī dekh kar ghabrā rahī hai
sunā.ūñ dāstān-e-zindagī kyā
musībat par musībat aa rahī hai
sañbhal jaa.e tabī.at ġhair mumkin
tamanna kyoñ ise bahlā rahī hai
mubārak ho naved-e-marg tum ko
hamārī be-kasī ye gā rahī hai
havā-e-ranj kī tāsīr dekho
masarrat kī kalī kumhlā rahī hai
karūñ sair-e-bayābāñ ab 'vafā' maiñ
mirī vahshat mujhe le jā rahī hai
مرے آگے وہ صورت آ رہی ہے
نگاہ آرزو تھرا رہی ہے
صدائے زندگی یہ آ رہی ہے
تمنا آزمائی جا رہی ہے
توجہ سے سنو تم نغمۂ عشق
ہماری آرزو کچھ گا رہی ہے
ذرا صحرا نوردی کیجیے پھر
ہمیں وحشت یہی سمجھا رہی ہے
الٰہی ہو دل بیتاب کی خیر
کسی کی یاد پھر تڑپا رہی ہے
بڑھا جاتا ہے درماں سے مرا درد
صدائے دل یہ پیہم آ رہی ہے
رخ رنگیں کسی کا ہے نظر میں
بہار زندگی اترا رہی ہے
مشیت نام ہے طاقت کا شاید
عبث غیرت تری شرما رہی ہے
تصور اور پھر لطف تصور
ہمیں تو نیند اس سے آ رہی ہے
نگاہ ناز کو جنبش تو پھر دو
نہ جانے کیوں ادا یہ بھا رہی ہے
حیات و موت کی اس کشمکش کو
اجل بھی دیکھ کر گھبرا رہی ہے
سناؤں داستان زندگی کیا
مصیبت پر مصیبت آ رہی ہے
سنبھل جائے طبیعت غیر ممکن
تمنا کیوں اسے بہلا رہی ہے
مبارک ہو نوید مرگ تم کو
ہماری بے کسی یہ گا رہی ہے
ہوائے رنج کی تاثیر دیکھو
مسرت کی کلی کمھلا رہی ہے
کروں سیر بیاباں اب وفاؔ میں
مری وحشت مجھے لے جا رہی ہے