मिल ही जानी थी मुनासिब कोई क़ीमत मुझ को
तू ने समझा है मगर माल-ए-ग़नीमत मुझ को
मेरी नींदें ही सबब हैं मिरी बेदारी का
मेरे ख़्वाबों से ही होती है अज़िय्यत मुझ को
एक रिश्ते को बचाने के लिए आठों पहर
करनी पड़ती है अमानत में ख़यानत मुझ को
सोचता हूँ कि निकल आऊँ मैं बाहर घर से
ढूँढती फिरती है कुछ रोज़ से शोहरत मुझ को
मुझ से बढ़ कर ही नहीं कोई भी अब मेरा हरीफ़
ख़ुद से हर वक़्त ही रहती है शिकायत मुझ को
अब तो हर लम्हा झुका है ये अना का पलड़ा
महँगी पड़ने लगी अब मेरी शराफ़त मुझ को
था करम कम ही कहाँ मुझ पे मिरे मालिक का
देखने की ही मिली ना कभी फ़ुर्सत मुझ को
ख़ुद को रख छोड़ा है अब मैं ने हवा पर 'वाहिद'
ले के जाती है किधर देखिए क़िस्मत मुझ को
mil hī jaanī thī munāsib koī qīmat mujh ko
tū ne samjhā hai magar māl-e-ġhanīmat mujh ko
merī nīñdeñ hī sabab haiñ mirī bedārī kā
mere ḳhvāboñ se hī hotī hai aziyyat mujh ko
ek rishte ko bachāne ke liye āThoñ pahar
karnī paḌtī hai amānat meñ ḳhayānat mujh ko
sochtā huuñ ki nikal aa.uuñ maiñ bāhar ghar se
DhūñDhtī phirtī hai kuchh roz se shohrat mujh ko
mujh se baḌh kar hī nahīñ koī bhī ab merā harīf
ḳhud se har vaqt hī rahtī hai shikāyat mujh ko
ab to har lamha jhukā hai ye anā kā palḌā
mahñgī paḌne lagī ab merī sharāfat mujh ko
thā karam kam hī kahāñ mujh pe mire mālik kā
dekhne kī hī milī nā kabhī fursat mujh ko
ḳhud ko rakh chhoḌā hai ab maiñ ne havā par 'vāhid'
le ke jaatī hai kidhar dekhiye qismat mujh ko
مل ہی جانی تھی مناسب کوئی قیمت مجھ کو
تو نے سمجھا ہے مگر مال غنیمت مجھ کو
میری نیندیں ہی سبب ہیں مری بیداری کا
میرے خوابوں سے ہی ہوتی ہے اذیت مجھ کو
ایک رشتے کو بچانے کے لیے آٹھوں پہر
کرنی پڑتی ہے امانت میں خیانت مجھ کو
سوچتا ہوں کہ نکل آؤں میں باہر گھر سے
ڈھونڈھتی پھرتی ہے کچھ روز سے شہرت مجھ کو
مجھ سے بڑھ کر ہی نہیں کوئی بھی اب میرا حریف
خود سے ہر وقت ہی رہتی ہے شکایت مجھ کو
اب تو ہر لمحہ جھکا ہے یہ انا کا پلڑا
مہنگی پڑنے لگی اب میری شرافت مجھ کو
تھا کرم کم ہی کہاں مجھ پہ مرے مالک کا
دیکھنے کی ہی ملی نا کبھی فرصت مجھ کو
خود کو رکھ چھوڑا ہے اب میں نے ہوا پر واحدؔ
لے کے جاتی ہے کدھر دیکھیے قسمت مجھ کو