हर घड़ी हर वक़्त ही बाज़ार में रहना पड़ा
बेचना था ख़ुद को सो अख़बार में रहना पड़ा
एक ही तहरीर को पानी पे लिक्खा बार बार
रहना था बस इस लिए संसार में रहना पड़ा
ख़्वाहिशें तो थीं कि हम बुनियाद का पत्थर बनें
हाए कैसा जुर्म था दीवार में रहना पड़ा
फिर किसी से दोस्ती उस ने न मेरे बाद की
उम्र भर मुझ को भी फिर अग़्यार में रहना पड़ा
वो जो था ख़ुशबू की मानिंद उड़ना जिस का शौक़ था
बेबसी देखो उसे अशआर में रहना पड़ा
हम तसव्वुर कर न पाए 'वाहिद' उस तस्वीर का
रात भर हम को ख़याल-ए-यार में रहना पड़ा
har ghaḌī har vaqt hī bāzār meñ rahnā paḌā
bechnā thā ḳhud ko so aḳhbār meñ rahnā paḌā
ek hī tahrīr ko paanī pe likkhā baar baar
rahnā thā bas is liye sansār meñ rahnā paḌā
ḳhvāhisheñ to thiiñ ki ham buniyād kā patthar baneñ
haa.e kaisā jurm thā dīvār meñ rahnā paḌā
phir kisī se dostī us ne na mere baad kī
umr bhar mujh ko bhī phir aġhyār meñ rahnā paḌā
vo jo thā ḳhushbū kī mānind uḌnā jis kā shauq thā
bebasī dekho use ash.ār meñ rahnā paḌā
ham tasavvur kar na paa.e 'vāhid' us tasvīr kā
raat bhar ham ko ḳhayāl-e-yār meñ rahnā paḌā
ہر گھڑی ہر وقت ہی بازار میں رہنا پڑا
بیچنا تھا خود کو سو اخبار میں رہنا پڑا
ایک ہی تحریر کو پانی پہ لکھا بار بار
رہنا تھا بس اس لیے سنسار میں رہنا پڑا
خواہشیں تو تھیں کہ ہم بنیاد کا پتھر بنیں
ہائے کیسا جرم تھا دیوار میں رہنا پڑا
پھر کسی سے دوستی اس نے نہ میرے بعد کی
عمر بھر مجھ کو بھی پھر اغیار میں رہنا پڑا
وہ جو تھا خوشبو کی مانند اڑنا جس کا شوق تھا
بے بسی دیکھو اسے اشعار میں رہنا پڑا
ہم تصور کر نہ پائے واحدؔ اس تصویر کا
رات بھر ہم کو خیال یار میں رہنا پڑا