मेरी मता' सोज़-ए-ग़म-ए-दिल नहीं रहा
मैं रोज़गार-ए-शौक़ के क़ाबिल नहीं रहा
कब से ये सर है दोष पर अपने वबाल-ए-दोश
क्या शहर-भर में एक भी क़ातिल नहीं रहा
तय की शिकस्त-ए-दिल से रह-ए-इज़्तिराब-ए-दिल
ये मरहला भी ख़ैर से मुश्किल नहीं रहा
देखे हैं चश्म-ए-ग़ैर से 'ऐब-ओ-हुनर तमाम
ख़ुद-आगही से मैं कभी ग़ाफ़िल नहीं रहा
हासिल मुराद कोशिश-ए-मशकूर से नहीं
जादा भी अब वसीला-ए-मंज़िल नहीं रिहा
सर-गश्ता रूह-ए-क़ैस अभी तक है दश्त में
हर-चंद वो सवार वो महमिल नहीं रहा
जिस दिन से दी गई है शिकस्त अपने आप को
उस दिन से कोई मद्द-ए-मुक़ाबिल नहीं रहा
पैहम मिली है ‘इज़्ज़त-ए-रुस्वाई 'इश्क़ में
किस रोज़ ये शरफ़ मुझे हासिल नहीं रहा
सैराब मौज मौज से रहने के बावजूद
कब तिश्ना-काम बहर से साहिल नहीं रहा
क्या हक़ के हक़ न रहने का शिकवा करे कोई
बातिल भी हक़ तो ये है कि बातिल नहीं रहा
अब हुस्न को है दीदा-ए-मुश्ताक़ की तलाश
शायद इक आइना भी मुक़ाबिल नहीं रहा
'ताबिश' ये ख़ौफ़ है कहीं ख़ंजर-ब-कफ़ न हो
गर्दन में अब जो हाथ हमाइल नहीं रहा
merī matā' soz-e-ġham-e-dil nahīñ rahā
maiñ rozgār-e-shauq ke qābil nahīñ rahā
kab se ye sar hai dosh par apne vabāl-e-dosh
kyā shahr-bhar meñ ek bhī qātil nahīñ rahā
tai kī shikast-e-dil se rah-e-iztirāb-e-dil
ye marhala bhī ḳhair se mushkil nahīñ rahā
dekhe haiñ chashm-e-ġhair se 'aib-o-hunar tamām
ḳhud-āgahī se maiñ kabhī ġhāfil nahīñ rahā
hāsil murād koshish-e-mashkūr se nahīñ
jaada bhī ab vasīla-e-manzil nahīñ rihā
sar-gashta rūh-e-qais abhī tak hai dasht meñ
har-chand vo savār vo mahmil nahīñ rahā
jis din se dī ga.ī hai shikast apne aap ko
us din se koī madd-e-muqābil nahīñ rahā
paiham milī hai ‘izzat-e-rusvā.ī 'ishq meñ
kis roz ye sharaf mujhe hāsil nahīñ rahā
sairāb mauj mauj se rahne ke bāvajūd
kab tishna-kām bahr se sāhil nahīñ rahā
kyā haq ke haq na rahne kā shikva kare koī
bātil bhī haq to ye hai ki bātil nahīñ rahā
ab husn ko hai dīda-e-mushtāq kī talāsh
shāyad ik aa.ina bhī muqābil nahīñ rahā
'tābish' ye ḳhauf hai kahīñ ḳhanjar-ba-kaf na ho
gardan meñ ab jo haath hamā.il nahīñ rahā
میری متاع سوز غم دل نہیں رہا
میں روزگار شوق کے قابل نہیں رہا
کب سے یہ سر ہے دوش پر اپنے وبال دوش
کیا شہر بھر میں ایک بھی قاتل نہیں رہا
طے کی شکست دل سے رہ اضطراب دل
یہ مرحلہ بھی خیر سے مشکل نہیں رہا
دیکھے ہیں چشم غیر سے عیب و ہنر تمام
خود آگہی سے میں کبھی غافل نہیں رہا
حاصل مراد کوشش مشکور سے نہیں
جادہ بھی اب وسیلۂ منزل نہیں رہا
سرگشتہ روح قیس ابھی تک ہے دشت میں
ہرچند وہ سوار وہ محمل نہیں رہا
جس دن سے دی گئی ہے شکست اپنے آپ کو
اس دن سے کوئی مد مقابل نہیں رہا
پیہم ملی ہے عزت رسوائی عشق میں
کس روز یہ شرف مجھے حاصل نہیں رہا
سیراب موج موج سے رہنے کے باوجود
کب تشنہ کام بحر سے ساحل نہیں رہا
کیا حق کے حق نہ رہنے کا شکوہ کرے کوئی
باطل بھی حق تو یہ ہے کہ باطل نہیں رہا
اب حسن کو ہے دیدۂ مشتاق کی تلاش
شاید اک آئنہ بھی مقابل نہیں رہا
تابشؔ یہ خوف ہے کہیں خنجر بکف نہ ہو
گردن میں اب جو ہاتھ حمائل نہیں رہا