मेरे कश्कोल में बस सिक्का-ए-रद है हद है
फिर भी ये दिल मिरा राज़ी-ब-मदद है हद है
ग़म तो हैं बख़्त के बाज़ार में मौजूद बहुत
कासा-ए-जिस्म में दिल एक अदद है हद है
आज के दौर का इंसान अजब है यारब
लब पे तारीफ़ है सीने में हसद है हद है
था मिरी पुश्त पे सूरज तो ये एहसास हुआ
मुझ से ऊँचा तो मिरे साए का क़द है हद है
मुस्तनद मो'तमद-ए-दिल नहीं अब कोई यहाँ
महरम-ए-राज़ भी महरूम-सनद है हद है
मैं तो तस्वीर-जुनूँ बन गया होता लेकिन
मुझ को रोके हुए बस पास-ए-ख़िरद है हद है
रोज़-ए-अव्वल ही में हर हद से गुज़र बैठा और
चीख़ता रह गया हमदम मिरा हद है हद है
कब तलक ख़ाक-बसर भटके भला बाद-ए-सबा
अब तो हर शाख़ पे फूलों की लहद है हद है
रंग-ए-इख़लास भरूँ कैसे मरासिम में 'नदीम'
उस की निय्यत भी मिरी तरह से बद है हद है
mere kashkol meñ bas sikka-e-rad hai had hai
phir bhī ye dil mirā rāzī-ba-madad hai had hai
ġham to haiñ baḳht ke bāzār meñ maujūd bahut
kāsa-e-jism meñ dil ek adad hai had hai
aaj ke daur kā insān ajab hai yārab
lab pe tārīf hai siine meñ hasad hai had hai
thā mirī pusht pe sūraj to ye ehsās huā
mujh se ūñchā to mire saa.e kā qad hai had hai
mustanad mo.atamad-e-dil nahīñ ab koī yahāñ
mahram-e-rāz bhī mahrūm-e-sanad hai had hai
maiñ to tasvīr-e-junūñ ban gayā hotā lekin
mujh ko roke hue bas pās-e-ḳhirad hai had hai
roz-e-avval hī meñ har had se guzar baiThā aur
chīḳhtā rah gayā hamdam mirā had hai had hai
kab talak ḳhāk-basar bhaTke bhalā bād-e-sabā
ab to har shāḳh pe phūloñ kī lahad hai had hai
rañg-e-iḳhlās bharūñ kaise marāsim meñ 'nadīm'
us kī niyyat bhī mirī tarah se bad hai had hai
میرے کشکول میں بس سکۂ رد ہے حد ہے
پھر بھی یہ دل مرا راضی بہ مدد ہے حد ہے
غم تو ہیں بخت کے بازار میں موجود بہت
کاسۂ جسم میں دل ایک عدد ہے حد ہے
آج کے دور کا انسان عجب ہے یا رب
لب پہ تعریف ہے سینے میں حسد ہے حد ہے
تھا مری پشت پہ سورج تو یہ احساس ہوا
مجھ سے اونچا تو مرے سائے کا قد ہے حد ہے
مستند معتمد دل نہیں اب کوئی یہاں
محرم راز بھی محروم سند ہے حد ہے
میں تو تصویر جنوں بن گیا ہوتا لیکن
مجھ کو روکے ہوئے بس پاس خرد ہے حد ہے
روز اول ہی میں ہر حد سے گزر بیٹھا اور
چیختا رہ گیا ہمدم مرا حد ہے حد ہے
کب تلک خاک بسر بھٹکے بھلا باد صبا
اب تو ہر شاخ پہ پھولوں کی لحد ہے حد ہے
رنگ اخلاص بھروں کیسے مراسم میں ندیمؔ
اس کی نیت بھی مری طرح سے بد ہے حد ہے