मज़ा है इम्तिहाँ का आज़मा ले जिस का जी चाहे
नमक ज़ख़्म-ए-जिगर पर और डाले जिस का जी चाहे
जिगर मौजूद है तो वो बना ले जिस का जी चाहे
गला हाज़िर है ख़ंजर आज़मा ले जिस का जी चाहे
अगर है हुस्न का दावा मह ओ ख़ुर्शीद दोनों में
कफ़-ए-पा से तुम्हारे मुँह मिला ले जिस का जी चाहे
ये मुश्त-ए-उस्तुख़्वाँ अपने किसी के काम में आएँ
हुमा हो या सग-ए-दिलदार खा ले जिस का जी चाहे
अगर है ज़िंदगी बाक़ी तो हम हसरत निकालेंगे
दिल-ए-पुर-आरज़ू पर ख़ाक डाले जिस का जी चाहे
फ़क़ीरों को नहीं कुछ ज़ीनत-ए-दुनिया से मतलब है
मैं ख़ुश कम्बल में हूँ ओढ़े दोशाले जिस का जी चाहे
जो रौशन दिल में उन की रौशनी छुपती नहीं हरगिज़
मह-ए-ताबाँ पे साहब ख़ाक डाले जिस का जी चाहे
शिकायत मुझ को दोनों से है नासेह हो कि वाइज़ हो
न समझा हूँ न समझूँ सर फिरा ले जिस का जी चाहे
मैं हूँ बर्ग-ए-ख़िज़ाँ-उफ़्तादा मैं मरदूद दहक़ाँ हूँ
गिरा हूँ उन की नज़रों से उठा ले जिस का जी चाहे
नहीं होता कभी आब-ए-रवाँ पर शक निजासत का
मिरे अश्कों के दरिया में नहा ले जिस का जी चाहे
चमन में गुल के मुरझाने से 'आग़ा' हो गया साबित
बिसान-ए-ग़ुंचा दम भर मुस्कुरा ले जिस का जी चाहे
mazā hai imtihāñ kā aazmā le jis kā jī chāhe
namak zaḳhm-e-jigar par aur Daale jis kā jī chāhe
jigar maujūd hai to vo banā le jis kā jī chāhe
galā hāzir hai ḳhanjar aazmā le jis kā jī chāhe
agar hai husn kā da.avā mah o ḳhurshīd donoñ meñ
kaf-e-pā se tumhāre muñh milā le jis kā jī chāhe
ye musht-e-ustuḳhvāñ apne kisī ke kaam meñ aa.eñ
humā ho yā sag-e-dildār khā le jis kā jī chāhe
agar hai zindagī baaqī to ham hasrat nikāleñge
dil-e-pur-ārzū par ḳhaak Daale jis kā jī chāhe
faqīroñ ko nahīñ kuchh zīnat-e-duniyā se matlab hai
maiñ ḳhush kambal meñ huuñ oḌhe doshāle jis kā jī chāhe
jo raushan dil meñ un kī raushnī chhuptī nahīñ hargiz
mah-e-tābāñ pe sāhab ḳhaak Daale jis kā jī chāhe
shikāyat mujh ko donoñ se hai nāseh ho ki vaa.iz ho
na samjhā huuñ na samjhūñ sar phirā le jis kā jī chāhe
maiñ huuñ barg-e-ḳhizāñ-uftāda maiñ mardūd dahqāñ huuñ
girā huuñ un kī nazroñ se uThā le jis kā jī chāhe
nahīñ hotā kabhī āb-e-ravāñ par shak najāsat kā
mire ashkoñ ke dariyā meñ nahā le jis kā jī chāhe
chaman meñ gul ke murjhāne se 'āġhā' ho gayā sābit
bisān-e-ġhuncha dam bhar muskurā le jis kā jī chāhe
مزا ہے امتحاں کا آزما لے جس کا جی چاہے
نمک زخم جگر پر اور ڈالے جس کا جی چاہے
جگر موجود ہے تو وہ بنا لے جس کا جی چاہے
گلا حاضر ہے خنجر آزما لے جس کا جی چاہے
اگر ہے حسن کا دعویٰ مہ و خورشید دونوں میں
کف پا سے تمہارے منہ ملا لے جس کا جی چاہے
یہ مشت استخواں اپنے کسی کے کام میں آئیں
ہما ہو یا سگ دل دار کھا لے جس کا جی چاہے
اگر ہے زندگی باقی تو ہم حسرت نکالیں گے
دل پر آرزو پر خاک ڈالے جس کا جی چاہے
فقیروں کو نہیں کچھ زینت دنیا سے مطلب ہے
میں خوش کمبل میں ہوں اوڑھے دوشالے جس کا جی چاہے
جو روشن دل میں ان کی روشنی چھپتی نہیں ہرگز
مہ تاباں پہ صاحب خاک ڈالے جس کا جی چاہے
شکایت مجھ کو دونوں سے ہے ناصح ہو کہ واعظ ہو
نہ سمجھا ہوں نہ سمجھوں سر پھرا لے جس کا جی چاہے
میں ہوں برگ خزاں افتادہ میں مردود دہقاں ہوں
گرا ہوں ان کی نظروں سے اٹھا لے جس کا جی چاہے
نہیں ہوتا کبھی آب رواں پر شک نجاست کا
مرے اشکوں کے دریا میں نہا لے جس کا جی چاہے
چمن میں گل کے مرجھانے سے آغاؔ ہو گیا ثابت
بسان غنچہ دم بھر مسکرا لے جس کا جی چاہے