मैं ने तुम को क्या समझा है ऐसा तुम ने सोचा क्या
तुम कैसे हो तुम क्या क्या हो आईना भी देखा क्या
मुझ से बेहतर होंगे लाखों मैं लाखों में बेहतर हूँ
इस उलझन में पड़ना भी क्या इस उलझन में रक्खा क्या
मंदिर मस्जिद बनना गिरना सब मतलब की बातें हैं
दोनों ही अल्लाह के घर हैं कौन बताए अच्छा क्या
कब तक झूटी आस पे जी के दिल के फफूले फोड़ेगा
ख़ुद्दारी को बेचने वाले आख़िर तेरा होगा क्या
हम ने माना बस्ती बस्ती आज 'असर' का चर्चा है
उस बादल का ज़िक्र न कीजे जो गरजा वो बरसा क्या
maiñ ne tum ko kyā samjhā hai aisā tum ne sochā kyā
tum kaise ho tum kyā kyā ho ā.īna bhī dekhā kyā
mujh se behtar hoñge lākhoñ maiñ lākhoñ meñ behtar huuñ
is uljhan meñ paḌnā bhī kyā is uljhan meñ rakkhā kyā
mandir masjid banñā girnā sab matlab kī bāteñ haiñ
donoñ hī allāh ke ghar haiñ kaun batā.e achchhā kyā
kab tak jhūTī aas pe jī ke dil ke phaphūle phoḌegā
ḳhuddārī ko bechne vaale āḳhir terā hogā kyā
ham ne maanā bastī bastī aaj 'asar' kā charchā hai
us bādal kā zikr na kiije jo garjā vo barsā kyā
میں نے تم کو کیا سمجھا ہے ایسا تم نے سوچا کیا
تم کیسے ہو تم کیا کیا ہو آئینہ بھی دیکھا کیا
مجھ سے بہتر ہوں گے لاکھوں میں لاکھوں میں بہتر ہوں
اس الجھن میں پڑنا بھی کیا اس الجھن میں رکھا کیا
مندر مسجد بننا گرنا سب مطلب کی باتیں ہیں
دونوں ہی اللہ کے گھر ہیں کون بتائے اچھا کیا
کب تک جھوٹی آس پہ جی کے دل کے پھپھولے پھوڑے گا
خودداری کو بیچنے والے آخر تیرا ہوگا کیا
ہم نے مانا بستی بستی آج اثرؔ کا چرچا ہے
اس بادل کا ذکر نہ کیجے جو گرجا وہ برسا کیا