मद्दाह हूँ मैं दिल से मोहम्मद की आल का
मुश्ताक़ हूँ वसी-ए-नबी के जमाल का
ख़्वाहाँ गुहर का हूँ न मैं तालिब हूँ लाल का
मुश्ताक़ हूँ तुम्हारे दहन के उगाल का
देखो तो एक जा पे ठहरती नहीं नज़र
लपका पड़ा है आँख को क्या देख-भाल का
क्या उन से फ़ैज़ पहुँचे जो ख़ुद तीरा-बख़्त हैं
खिलते न देखा हम ने कभी फूल ढाल का
हम हैं फ़क़ीर दौलत-ए-दुनिया से काम क्या
बेहतर है जाम-ए-जम से पियाला सिफ़ाल का
दाना दिखा के दाम में 'अन्क़ा को लाऊँगा
मज़मून लिख रहा हूँ तिरे ख़त-ओ-ख़ाल का
सौ जान से फ़िदा हूँ मोहम्मद के नाम पर
जिस ने बताया फ़र्क़ हराम ओ हलाल का
वो आँख भी उठा के हमें देखते नहीं
रुत्बा पहुँच गया है ये रंज-ओ-मलाल का
किस ज़िंदगी के वास्ते दौलत की आरज़ू
देखो नतीजा ग़ौर से क़ारूँ के माल का
इक़बाल गर नहीं है तू इंकार कीजिए
कुछ दीजिए जवाब हमारे सवाल का
मुट्ठी को खोल कर यद-ए-बैज़ा दिखाते हैं
नाख़ुन पे उन के होता है धोका हिलाल का
शा'इर ग़ज़ब के होते हैं हरगिज़ न चूकते
मौक़ा' नहीं दहन में तिरे क़ील-ओ-क़ाल का
ऐ रश्क-ए-मेहर वस्ल में ग़ुस्सा है किस लिए
ये वक़्त मेरी जान नहीं है जलाल का
तारीकी-ए-लहद से कुछ 'आग़ा' न ख़ौफ़ कर
दामन है तेरे हाथ में ज़हरा के लाल का
maddāh huuñ maiñ dil se mohammad kī aal kā
mushtāq huuñ vasī-e-nabī ke jamāl kā
ḳhvāhāñ guhar kā huuñ na maiñ tālib huuñ laal kā
mushtāq huuñ tumhāre dahan ke ugaal kā
dekho to ek jā pe Thahartī nahīñ nazar
lapkā paḌā hai aañkh ko kyā dekh-bhāl kā
kyā un se faiz pahuñche jo ḳhud tīra-baḳht haiñ
khilte na dekhā ham ne kabhī phuul Dhaal kā
ham haiñ faqīr daulat-e-duniyā se kaam kyā
behtar hai jām-e-jam se piyāla sifāl kā
daana dikhā ke daam meñ 'anqā ko lā.ūñgā
mazmūn likh rahā huuñ tire ḳhat-o-ḳhāl kā
sau jaan se fidā huuñ mohammad ke naam par
jis ne batāyā farq harām o halāl kā
vo aañkh bhī uThā ke hameñ dekhte nahīñ
rutba pahuñch gayā hai ye ranj-o-malāl kā
kis zindagī ke vāste daulat kī aarzū
dekho natīja ġhaur se qārūñ ke maal kā
iqbāl gar nahīñ hai tū inkār kījiye
kuchh dījiye javāb hamāre savāl kā
muTThī ko khol kar yad-e-baizā dikhāte haiñ
nāḳhun pe un ke hotā hai dhokā hilāl kā
shā'ir ġhazab ke hote haiñ hargiz na chūkte
mauqa' nahīñ dahan meñ tire qīl-o-qāl kā
ai rashk-e-mehr vasl meñ ġhussa hai kis liye
ye vaqt merī jaan nahīñ hai jalāl kā
tārīkī-e-lahad se kuchh 'āġhā' na ḳhauf kar
dāman hai tere haath meñ zahrā ke laal kā
مداح ہوں میں دل سے محمد کی آل کا
مشتاق ہوں وصیٔ نبی کے جمال کا
خواہاں گہر کا ہوں نہ میں طالب ہوں لال کا
مشتاق ہوں تمہارے دہن کے اگال کا
دیکھو تو ایک جا پہ ٹھہرتی نہیں نظر
لپکا پڑا ہے آنکھ کو کیا دیکھ بھال کا
کیا ان سے فیض پہنچے جو خود تیرہ بخت ہیں
کھلتے نہ دیکھا ہم نے کبھی پھول ڈھال کا
ہم ہیں فقیر دولت دنیا سے کام کیا
بہتر ہے جام جم سے پیالہ سفال کا
دانہ دکھا کے دام میں عنقا کو لاؤں گا
مضمون لکھ رہا ہوں ترے خط و خال کا
سو جان سے فدا ہوں محمد کے نام پر
جس نے بتایا فرق حرام و حلال کا
وہ آنکھ بھی اٹھا کے ہمیں دیکھتے نہیں
رتبہ پہنچ گیا ہے یہ رنج و ملال کا
کس زندگی کے واسطے دولت کی آرزو
دیکھو نتیجہ غور سے قاروں کے مال کا
اقبال گر نہیں ہے تو انکار کیجئے
کچھ دیجئے جواب ہمارے سوال کا
مٹھی کو کھول کر ید بیضا دکھاتے ہیں
ناخن پہ ان کے ہوتا ہے دھوکا ہلال کا
شاعر غضب کے ہوتے ہیں ہرگز نہ چوکتے
موقع نہیں دہن میں ترے قیل و قال کا
اے رشک مہر وصل میں غصہ ہے کس لئے
یہ وقت میری جان نہیں ہے جلال کا
تاریکیٔ لحد سے کچھ آغاؔ نہ خوف کر
دامن ہے تیرے ہاتھ میں زہرا کے لال کا