माना जाँ-काह बहुत ग़म का निहाँ रखना है
ग़म का इज़हार तो शो'ले पे ज़बाँ रखना है
बुझते सूरज को हरारत की ज़रूरत होगी
इस लिए ख़ुद को अभी शो'ला-ब-जाँ रखना है
बाब-ए-इंसाफ़ इसी तरह से शायद खुल जाए
अपने हर साँस को सर-गर्म-ए-फ़ुग़ाँ रखना है
खुली आँखों से तो है देखनी दुनिया लेकिन
अपनी जानिब भी तो चश्म-ए-निगराँ रखना है
शोरिश-ए-ग़म से न हो जाए तमन्ना मजरूह
क़र्या-ए-जाँ में मुझे अम्न-ओ-अमाँ रखना है
फ़ैसला अब ये मकीनों ही को करना होगा
घर को घर रखना है या घर को मकाँ रखना है
इस क़दर कू-ए-शब-ओ-रोज़ से ना-वाक़िफ़ हूँ
बार-ए-हस्ती नहीं मा'लूम कहाँ रखना है
लहजा बदले तो बदल जाती है फ़ितरत 'ताबिश'
हम को अपना यही अंदाज़-ए-बयाँ रखना है
maanā jāñ-kāh bahut ġham kā nihāñ rakhnā hai
ġham kā iz.hār to sho'le pe zabāñ rakhnā hai
bujhte sūraj ko harārat kī zarūrat hogī
is liye ḳhud ko abhī sho'la-ba-jāñ rakhnā hai
bāb-e-insāf isī tarh se shāyad khul jaa.e
apne har saañs ko sar-garm-e-fuġhāñ rakhnā hai
khulī āñkhoñ se to hai dekhnī duniyā lekin
apnī jānib bhī to chashm-e-nigarāñ rakhnā hai
shorish-e-ġham se na ho jaa.e tamannā majrūh
qarya-e-jāñ meñ mujhe amn-o-amāñ rakhnā hai
faisla ab ye makīnoñ hī ko karnā hogā
ghar ko ghar rakhnā hai yā ghar ko makāñ rakhnā hai
is qadar kū-e-shab-o-roz se nā-vāqif huuñ
bār-e-hastī nahīñ mā'lūm kahāñ rakhnā hai
lahja badle to badal jaatī hai fitrat 'tābish'
ham ko apnā yahī andāz-e-bayāñ rakhnā hai
مانا جانکاہ بہت غم کا نہاں رکھنا ہے
غم کا اظہار تو شعلے پہ زباں رکھنا ہے
بجھتے سورج کو حرارت کی ضرورت ہوگی
اس لیے خود کو ابھی شعلہ بجاں رکھنا ہے
باب انصاف اسی طرح سے شاید کھل جائے
اپنے ہر سانس کو سر گرم فغاں رکھنا ہے
کھلی آنکھوں سے تو ہے دیکھنی دنیا لیکن
اپنی جانب بھی تو چشم نگراں رکھنا ہے
شورش غم سے نہ ہو جائے تمنا مجروح
قریۂ جاں میں مجھے امن و اماں رکھنا ہے
فیصلہ اب یہ مکینوں ہی کو کرنا ہوگا
گھر کو گھر رکھنا ہے یا گھر کو مکاں رکھنا ہے
اس قدر کوئے شب و روز سے ناواقف ہوں
بار ہستی نہیں معلوم کہاں رکھنا ہے
لہجہ بدلے تو بدل جاتی ہے فطرت تابشؔ
ہم کو اپنا یہی انداز بیاں رکھنا ہے