मामूली बे-कार समझने वाले मुझ से दूर रहें
मुझ को इक आज़ार समझने वाले मुझ से दूर रहें
पागल-पन में आ कर पागल कुछ भी तो कर सकता है
ख़ुद को इज़्ज़त-दार समझने वाले मुझ से दूर रहें
हँस पड़ता हूँ जब कोई हालात का रोना रोता है
जीवन को दुश्वार समझने वाले मुझ से दूर रहें
मैं वाक़िफ़ हूँ रंगों की हर रंग बदलती फ़ितरत से
रौनक़ को बाज़ार समझने वाले मुझ से दूर रहें
मजनूँ और शाहों में कुछ दिन मैं भी उट्ठा बैठा हूँ
सहरा को गुलज़ार समझने वाले मुझ से दूर रहें
मंज़िल की ख़्वाहिश है जिन को आएँ मेरे साथ चलें
रस्तों को हमवार समझने वाले मुझ से दूर रहें
आँचल और मल्बूस पे जिन की आँखें चिपकी रहती हैं
उन को बा-क़िरदार समझने वाले मुझ से दूर रहें
'फ़ैज़-आलम-बाबर' ख़ुद भी यार है जाने किस किस का
यारों को मक्कार समझने वाले मुझ से दूर रहें
ma.amūlī be-kār samajhne vaale mujh se duur raheñ
mujh ko ik āzār samajhne vaale mujh se duur raheñ
pāgal-pan meñ aa kar pāgal kuchh bhī to kar saktā hai
ḳhud ko izzat-dār samajhne vaale mujh se duur raheñ
hañs paḌtā huuñ jab koī hālāt kā ronā rotā hai
jīvan ko dushvār samajhne vaale mujh se duur raheñ
maiñ vāqif huuñ rañgoñ kī har rañg badaltī fitrat se
raunaq ko bāzār samajhne vaale mujh se duur raheñ
majnūñ aur shāhoñ meñ kuchh din maiñ bhī uTThā baiThā huuñ
sahrā ko gulzār samajhne vaale mujh se duur raheñ
manzil kī ḳhvāhish hai jin ko aa.eñ mere saath chaleñ
rastoñ ko hamvār samajhne vaale mujh se duur raheñ
āñchal aur malbūs pe jin kī āñkheñ chipkī rahtī haiñ
un ko bā-kirdār samajhne vaale mujh se duur raheñ
'faiz-ālam-bābar' ḳhud bhī yaar hai jaane kis kis kā
yāroñ ko makkār samajhne vaale mujh se duur raheñ
معمولی بے کار سمجھنے والے مجھ سے دور رہیں
مجھ کو اک آزار سمجھنے والے مجھ سے دور رہیں
پاگل پن میں آ کر پاگل کچھ بھی تو کر سکتا ہے
خود کو عزت دار سمجھنے والے مجھ سے دور رہیں
ہنس پڑتا ہوں جب کوئی حالات کا رونا روتا ہے
جیون کو دشوار سمجھنے والے مجھ سے دور رہیں
میں واقف ہوں رنگوں کی ہر رنگ بدلتی فطرت سے
رونق کو بازار سمجھنے والے مجھ سے دور رہیں
مجنوں اور شاہوں میں کچھ دن میں بھی اٹھا بیٹھا ہوں
صحرا کو گل زار سمجھنے والے مجھ سے دور رہیں
منزل کی خواہش ہے جن کو آئیں میرے ساتھ چلیں
رستوں کو ہموار سمجھنے والے مجھ سے دور رہیں
آنچل اور ملبوس پہ جن کی آنکھیں چپکی رہتی ہیں
ان کو با کردار سمجھنے والے مجھ سے دور رہیں
فیض عالم بابرؔ خود بھی یار ہے جانے کس کس کا
یاروں کو مکار سمجھنے والے مجھ سے دور رہیں