लाख बहकाए ये दुनिया हो गया तो हो गया
दिल से जो इक बार मेरा हो गया तो हो गया
क्यूँ नदामत हो मुझे ला-इख़्तियारी फ़ेल पर
मैं तिरी नज़रों में रुस्वा हो गया तो हो गया
कम ज़ियादा हो तो सकता है मगर छुटता नहीं
जिस को जो इक बार नश्शा हो गया तो हो गया
दिल बहुत रोता है लेकिन उस बुत-ए-मग़रूर से
मुंक़तअ हर एक रिश्ता हो गया तो हो गया
मुंतक़िल होता है लेकिन वो कभी मरता नहीं
जो सदा-ए-कुन से पैदा हो गया तो हो गया
अपनी मर्ज़ी से यहाँ दिन काटने के जुर्म में
मैं अगर दुनिया में तन्हा हो गया तो हो गया
देखता है कौन 'बाबर' किस का क्या किरदार है
जिस से जो मंसूब क़िस्सा हो गया तो हो गया
laakh bahkā.e ye duniyā ho gayā to ho gayā
dil se jo ik baar merā ho gayā to ho gayā
kyuuñ nadāmat ho mujhe lā-iḳhtiyārī fel par
maiñ tirī nazroñ meñ rusvā ho gayā to ho gayā
kam ziyāda ho to saktā hai magar chhuTtā nahīñ
jis ko jo ik baar nashsha ho gayā to ho gayā
dil bahut rotā hai lekin us but-e-maġhrūr se
munqat'a har ek rishta ho gayā to ho gayā
muntaqil hotā hai lekin vo kabhī martā nahīñ
jo sadā-e-kun se paidā ho gayā to ho gayā
apnī marzī se yahāñ din kāTne ke jurm meñ
maiñ agar duniyā meñ tanhā ho gayā to ho gayā
dekhtā hai kaun 'bābar' kis kā kyā kirdār hai
jis se jo mansūb qissa ho gayā to ho gayā
لاکھ بہکائے یہ دنیا ہو گیا تو ہو گیا
دل سے جو اک بار میرا ہو گیا تو ہو گیا
کیوں ندامت ہو مجھے لا اختیاری فعل پر
میں تری نظروں میں رسوا ہو گیا تو ہو گیا
کم زیادہ ہو تو سکتا ہے مگر چھٹتا نہیں
جس کو جو اک بار نشہ ہو گیا تو ہو گیا
دل بہت روتا ہے لیکن اس بت مغرور سے
منقطع ہر ایک رشتہ ہو گیا تو ہو گیا
منتقل ہوتا ہے لیکن وہ کبھی مرتا نہیں
جو صدائے کن سے پیدا ہو گیا تو ہو گیا
اپنی مرضی سے یہاں دن کاٹنے کے جرم میں
میں اگر دنیا میں تنہا ہو گیا تو ہو گیا
دیکھتا ہے کون بابرؔ کس کا کیا کردار ہے
جس سے جو منسوب قصہ ہو گیا تو ہو گیا