क्या जाने कितने ही रंगों में डूबी है
रंग बदलती दुनिया में जो यक-रंगी है
मंज़र मंज़र ढलता जाता है पीला-पन
चेहरा चेहरा सब्ज़ उदासी फैल रही है
पीली साँसें भूरी आँखें सुर्ख़ निगाहें
उन्नाबी एहसास तबीअत तारीख़ी है
देख गुलाबी सन्नाटों में रहने वाले
आवाज़ों की ख़ामोशी कितनी काली है
आज सफ़ेदी भी काला मल्बूस पहन कर
अपनी चमकती रंगत का मातम करती है
सारी ख़बरों में जैसे इक ज़हर भरा है
आज अख़बारों की हर सुर्ख़ी नीली है
'कैफ़' कहाँ तक तुम ख़ुद को बे-दाग़ रख्खोगे
अब तो सारी दुनिया के मुँह पर स्याही है
kyā jaane kitne hī rañgoñ meñ Duubī hai
rañg badaltī duniyā meñ jo yak-rañgī hai
manzar manzar Dhaltā jaatā hai pīlā-pan
chehra chehra sabz udāsī phail rahī hai
piilī sāñseñ bhūrī āñkheñ surḳh nigāheñ
unnābī ehsās tabī.at tārīḳhī hai
dekh gulābī sannāToñ meñ rahne vaale
āvāzoñ kī ḳhāmoshī kitnī kaalī hai
aaj safedī bhī kaalā malbūs pahan kar
apnī chamaktī rañgat kā mātam kartī hai
saarī ḳhabroñ meñ jaise ik zahr bharā hai
aaj aḳhbāroñ kī har surḳhī niilī hai
'kaif' kahāñ tak tum ḳhud ko be-dāġh rakhkhoge
ab to saarī duniyā ke muñh par syāhī hai
کیا جانے کتنے ہی رنگوں میں ڈوبی ہے
رنگ بدلتی دنیا میں جو یک رنگی ہے
منظر منظر ڈھلتا جاتا ہے پیلا پن
چہرہ چہرہ سبز اداسی پھیل رہی ہے
پیلی سانسیں بھوری آنکھیں سرخ نگاہیں
عنابی احساس طبیعت تاریخی ہے
دیکھ گلابی سناٹوں میں رہنے والے
آوازوں کی خاموشی کتنی کالی ہے
آج سفیدی بھی کالا ملبوس پہن کر
اپنی چمکتی رنگت کا ماتم کرتی ہے
ساری خبروں میں جیسے اک زہر بھرا ہے
آج اخباروں کی ہر سرخی نیلی ہے
کیفؔ کہاں تک تم خود کو بے داغ رکھو گے
اب تو ساری دنیا کے منہ پر سیاہی ہے