कुछ कहने का वक़्त नहीं ये कुछ न कहो ख़ामोश रहो
ऐ लोगो ख़ामोश रहो हाँ ऐ लोगो ख़ामोश रहो
सच अच्छा पर उस के जिलौ में ज़हर का है इक प्याला भी
पागल हो क्यूँ नाहक़ को सुक़रात बनो ख़ामोश रहो
उन का ये कहना सूरज ही धरती के फेरे करता है
सर-आँखों पर सूरज ही को घूमने दो ख़ामोश रहो
महबस में कुछ हब्स है और ज़ंजीर का आहन चुभता है
फिर सोचो हाँ फिर सोचो हाँ फिर सोचो ख़ामोश रहो
गर्म आँसू और ठंडी आहें मन में क्या क्या मौसम हैं
इस बगिया के भेद न खोलो सैर करो ख़ामोश रहो
आँखें मूँद किनारे बैठो मन के रक्खो बंद किवाड़
'इंशा'-जी लो धागा लो और लब सी लो ख़ामोश रहो
kuchh kahne kā vaqt nahīñ ye kuchh na kaho ḳhāmosh raho
ai logo ḳhāmosh raho haañ ai logo ḳhāmosh raho
sach achchhā par us ke jilau meñ zahr kā hai ik pyāla bhī
pāgal ho kyuuñ nāhaq ko suqrāt bano ḳhāmosh raho
un kā ye kahnā sūraj hī dhartī ke phere kartā hai
sar-āñkhoñ par sūraj hī ko ghūmne do ḳhāmosh raho
mahbas meñ kuchh habs hai aur zanjīr kā aahan chubhtā hai
phir socho haañ phir socho haañ phir socho ḳhāmosh raho
garm aañsū aur ThanDī aaheñ man meñ kyā kyā mausam haiñ
is bagiyā ke bhed na kholo sair karo ḳhāmosh raho
āñkheñ muuñd kināre baiTho man ke rakkho band kivāḌ
'inshā'-jī lo dhāgā lo aur lab sī lo ḳhāmosh raho
کچھ کہنے کا وقت نہیں یہ کچھ نہ کہو خاموش رہو
اے لوگو خاموش رہو ہاں اے لوگو خاموش رہو
سچ اچھا پر اس کے جلو میں زہر کا ہے اک پیالہ بھی
پاگل ہو کیوں ناحق کو سقراط بنو خاموش رہو
ان کا یہ کہنا سورج ہی دھرتی کے پھیرے کرتا ہے
سر آنکھوں پر سورج ہی کو گھومنے دو خاموش رہو
محبس میں کچھ حبس ہے اور زنجیر کا آہن چبھتا ہے
پھر سوچو ہاں پھر سوچو ہاں پھر سوچو خاموش رہو
گرم آنسو اور ٹھنڈی آہیں من میں کیا کیا موسم ہیں
اس بگیا کے بھید نہ کھولو سیر کرو خاموش رہو
آنکھیں موند کنارے بیٹھو من کے رکھو بند کواڑ
انشاؔ جی لو دھاگا لو اور لب سی لو خاموش رہو