कुछ इस तरह से ज़माने पे छाना चाहता है
वो आफ़्ताब पे पहरे बिठाना चाहता है
त'अल्लुक़ात के धागे तो कब के टूट चुके
मगर ये दिल है कि फिर आना जाना चाहता है
जो क़तरा क़तरा इकट्ठा हुआ था आँखों में
वो ख़ून अब मिरी पलकों पे आना चाहता है
चटख़ रहा है जो रह रह के मेरे सीने में
वो मुझ में कौन है जो टूट जाना चाहता है
अमीर-ए-शहर तिरी बंदिशें मआज़-अल्लाह
फ़क़ीर अब तिरी बस्ती से जाना चाहता है
ये ख़्वाहिशात का पंछी 'अजीब है हर रोज़
नई फ़ज़ाएँ नया आब-ओ-दाना चाहता है
उदासी झाँकने लगती है उस की आँखों से
वो शख़्स जब भी कभी मुस्कुराना चाहता है
kuchh is tarah se zamāne pe chhānā chāhtā hai
vo āftāb pe pahre biThānā chāhtā hai
ta'alluqāt ke dhāge to kab ke TuuT chuke
magar ye dil hai ki phir aanā jaanā chāhtā hai
jo qatra qatra ikaTThā huā thā āñkhoñ meñ
vo ḳhuun ab mirī palkoñ pe aanā chāhtā hai
chaTaḳh rahā hai jo rah rah ke mere siine meñ
vo mujh meñ kaun hai jo TuuT jaanā chāhtā hai
amīr-e-shahr tirī bandisheñ ma.āz-allāh
faqīr ab tirī bastī se jaanā chāhtā hai
ye ḳhvāhishāt kā panchhī 'ajīb hai har roz
na.ī fazā.eñ nayā āb-o-dānā chāhtā hai
udāsī jhāñkne lagtī hai us kī āñkhoñ se
vo shaḳhs jab bhī kabhī muskurānā chāhtā hai
کچھ اس طرح سے زمانے پہ چھانا چاہتا ہے
وہ آفتاب پہ پہرے بٹھانا چاہتا ہے
تعلقات کے دھاگے تو کب کے ٹوٹ چکے
مگر یہ دل ہے کہ پھر آنا جانا چاہتا ہے
جو قطرہ قطرہ اکٹھا ہوا تھا آنکھوں میں
وہ خون اب مری پلکوں پہ آنا چاہتا ہے
چٹخ رہا ہے جو رہ رہ کے میرے سینے میں
وہ مجھ میں کون ہے جو ٹوٹ جانا چاہتا ہے
امیر شہر تری بندشیں معاذ اللہ
فقیر اب تری بستی سے جانا چاہتا ہے
یہ خواہشات کا پنچھی عجیب ہے ہر روز
نئی فضائیں نیا آب و دانا چاہتا ہے
اداسی جھانکنے لگتی ہے اس کی آنکھوں سے
وہ شخص جب بھی کبھی مسکرانا چاہتا ہے