कोई शय दिल को बहलाती नहीं है
परेशानी की रुत जाती नहीं है
हमारे ख़्वाब चोरी हो गए हैं
हमें रातों को नींद आती नहीं है
कोई तितली कमाँ-दारों के डर से
फ़ज़ा में पंख फैलाती नहीं है
हर इक सूरत हमें भाती नहीं है
कोई सूरत हमें भाती नहीं है
जिस आज़ादी के नग़्मे हैं ज़बाँ पर
वो आज़ादी नज़र आती नहीं है
बदन बे-हरकत-ओ-बे-हिस पड़े हैं
लहू की बूँद गरमाती नहीं है
मुसलसल पोश की चाबुक-ज़नी से
मिरी आशुफ़्तगी जाती नहीं है
ज़वाल-ए-फ़िक्र-ओ-फ़न की 'बख़्श' तोहमत
जलाल-ए-हर्फ़ पर आती नहीं है
koī shai dil ko bahlātī nahīñ hai
pareshānī kī rut jaatī nahīñ hai
hamāre ḳhvāb chorī ho ga.e haiñ
hameñ rātoñ ko niiñd aatī nahīñ hai
koī titlī kamāñ-dāroñ ke Dar se
fazā meñ pankh phailātī nahīñ hai
har ik sūrat hameñ bhātī nahīñ hai
koī sūrat hameñ bhātī nahīñ hai
jis āzādī ke naġhme haiñ zabāñ par
vo āzādī nazar aatī nahīñ hai
badan be-harkat-o-be-his paḌe haiñ
lahū kī buuñd garmāti nahīñ hai
musalsal posh kī chābuk-zanī se
mirī āshuftagī jaatī nahīñ hai
zavāl-e-fikr-o-fan kī 'baḳhsh' tohmat
jalāl-e-harf par aatī nahīñ hai
کوئی شے دل کو بہلاتی نہیں ہے
پریشانی کی رت جاتی نہیں ہے
ہمارے خواب چوری ہو گئے ہیں
ہمیں راتوں کو نیند آتی نہیں ہے
کوئی تتلی کماں داروں کے ڈر سے
فضا میں پنکھ پھیلاتی نہیں ہے
ہر اک صورت ہمیں بھاتی نہیں ہے
کوئی صورت ہمیں بھاتی نہیں ہے
جس آزادی کے نغمے ہیں زباں پر
وہ آزادی نظر آتی نہیں ہے
بدن بے حرکت و بے حس پڑے ہیں
لہو کی بوند گرماتی نہیں ہے
مسلسل پوش کی چابک زنی سے
مری آشفتگی جاتی نہیں ہے
زوال فکر و فن کی بخشؔ تہمت
جلال حرف پر آتی نہیں ہے