असीरान-ए-हवादिस की गिराँ-जानी नहीं जाती
जहाँ से ख़ून-ए-इंसानी की अर्ज़ानी नहीं जाती
दरोग़-ए-मस्लहत के देख कर आसार चेहरों पर
हक़ीक़त-आश्ना आँखों की हैरानी नहीं जाती
निशान-ए-ख़ुसरवी तो मिट गए हैं लौह-ए-आलम से
कुलाह-ए-ख़ुसरवी से बू-ए-सुल्तानी नहीं जाती
अंधेरा इस क़दर है शहर पर छाया सियासत का
किसी भी शख़्स की अब शक्ल पहचानी नहीं जाती
ज़माना कर्बला का नाम सुन कर काँप उठता है
अभी तक ख़ून-ए-शब्बीरी की जौलानी नहीं जाती
फ़ुज़ूँ-तर और होते जा रहे हैं चाक दामन के
रफ़ू-गर से हमारी चाक-दामानी नहीं जाती
ये माना रौशनी को पी गई ज़ुल्मत जिहालत की
मगर इस ज़र्रा-ए-ख़ाकी की ताबानी नहीं जाती
asīrān-e-havādis kī girāñ-jānī nahīñ jaatī
jahāñ se ḳhūn-e-insānī kī arzānī nahīñ jaatī
daroġh-e-maslahat ke dekh kar āsār chehroñ par
haqīqat-āshnā āñkhoñ kī hairānī nahīñ jaatī
nishān-e-khusravī to miT ga.e haiñ lauh-e-ālam se
kulāh-e-khusravī se bū-e-sultānī nahīñ jaatī
añdherā is qadar hai shahr par chhāyā siyāsat kā
kisī bhī shaḳhs kī ab shakl pahchānī nahīñ jaatī
zamāna karbalā kā naam sun kar kaañp uThtā hai
abhī tak ḳhūn-e-shabbīrī kī jaulānī nahīñ jaatī
fuzūñ-tar aur hote jā rahe haiñ chaak dāman ke
rafū-gar se hamārī chāk-dāmānī nahīñ jaatī
ye maanā raushnī ko pī ga.ī zulmat jihālat kī
magar is zarra-e-ḳhākī kī tābānī nahīñ jaatī
اسیران حوادث کی گراں جانی نہیں جاتی
جہاں سے خون انسانی کی ارزانی نہیں جاتی
دروغ مصلحت کے دیکھ کر آثار چہروں پر
حقیقت آشنا آنکھوں کی حیرانی نہیں جاتی
نشان خسروی تو مٹ گئے ہیں لوح عالم سے
کلاہ خسروی سے بوئے سلطانی نہیں جاتی
اندھیرا اس قدر ہے شہر پر چھایا سیاست کا
کسی بھی شخص کی اب شکل پہچانی نہیں جاتی
زمانہ کربلا کا نام سن کر کانپ اٹھتا ہے
ابھی تک خون شبیری کی جولانی نہیں جاتی
فزوں تر اور ہوتے جا رہے ہیں چاک دامن کے
رفو گر سے ہماری چاک دامانی نہیں جاتی
یہ مانا روشنی کو پی گئی ظلمت جہالت کی
مگر اس ذرۂ خاکی کی تابانی نہیں جاتی