किसी गुमाँ पे तवक़्क़ो' ज़ियादा रखते हैं
फिर आज कू-ए-बुताँ का इरादा रखते हैं
बहार आएगी जब आएगी ये शर्त नहीं
कि तिश्ना-काम रहें गरचे बादा रखते हैं
तिरी नज़र का गिला क्या जो है गिला दिल का
तो हम से है कि तमन्ना ज़ियादा रखते हैं
नहीं शराब से रंगीं तो ग़र्क़-ए-ख़ूँ हैं कि हम
ख़याल-ए-वज़्-ए-क़मीस-ओ-लिबादा रखते हैं
ग़म-ए-जहाँ हो ग़म-ए-यार हो कि तीर-ए-सितम
जो आए आए कि हम दिल कुशादा रखते हैं
जवाब-ए-वाइज़-चाबुक-ज़बाँ में 'फ़ैज़' हमें
यही बहुत हैं जो दो हर्फ़-ए-सादा रखते हैं
kisī gumāñ pe tavaqqo.a ziyāda rakhte haiñ
phir aaj kū-e-butāñ kā irāda rakhte haiñ
bahār aa.egī jab aa.egī ye shart nahīñ
ki tishna-kām raheñ garche baada rakhte haiñ
tirī nazar kā gila kyā jo hai gila dil kā
to ham se hai ki tamannā ziyāda rakhte haiñ
nahīñ sharāb se rañgīñ to ġharq-e-ḳhūñ haiñ ki ham
ḳhayāl-e-vaz-e-qamīs-o-libāda rakhte haiñ
ġham-e-jahāñ ho ġham-e-yār ho ki tīr-e-sitam
jo aa.e aa.e ki ham dil kushāda rakhte haiñ
javāb-e-vā.iz-chābuk-zabāñ meñ 'faiz' hameñ
yahī bahut haiñ jo do harf-e-sāda rakhte haiñ
کسی گماں پہ توقع زیادہ رکھتے ہیں
پھر آج کوئے بتاں کا ارادہ رکھتے ہیں
بہار آئے گی جب آئے گی یہ شرط نہیں
کہ تشنہ کام رہیں گرچہ بادہ رکھتے ہیں
تری نظر کا گلہ کیا جو ہے گلہ دل کا
تو ہم سے ہے کہ تمنا زیادہ رکھتے ہیں
نہیں شراب سے رنگیں تو غرق خوں ہیں کہ ہم
خیال وضع قمیص و لبادہ رکھتے ہیں
غم جہاں ہو غم یار ہو کہ تیر ستم
جو آئے آئے کہ ہم دل کشادہ رکھتے ہیں
جواب واعظ چابک زباں میں فیضؔ ہمیں
یہی بہت ہیں جو دو حرف سادہ رکھتے ہیں