किस शहर न शोहरा हुआ नादानी-ए-दिल का
किस पर न खुला राज़ परेशानी-ए-दिल का
आओ करें महफ़िल पे ज़र-ए-ज़ख्म नुमायाँ
चर्चा है बहुत बे-सर-ओ-सामानी-ए-दिल का
देख आएँ चलो कू-ए-निगाराँ का ख़राबा
शायद कोई महरम मिले वीरानी-ए-दिल का
पूछो तो उधर तीर-फ़गन कौन है यारो
सौंपा था जिसे काम निगहबानी-ए-दिल का
देखो तो किधर आज रुख़-ए-बाद-ए-सबा है
किस रह से पयाम आया है ज़िंदानी-ए-दिल का
उतरे थे कभी 'फ़ैज़' वो आईना-ए-दिल में
आलम है वही आज भी हीरानी-ए-दिल का
kis shahr na shohra huā nādānī-e-dil kā
kis par na khulā raaz pareshānī-e-dil kā
aao kareñ mahfil pe zar-e-zaḳhm numāyāñ
charchā hai bahut be-sar-o-sāmānī-e-dil kā
dekh aa.eñ chalo kū-e-nigārāñ kā ḳharāba
shāyad koī mahram mile vīrānī-e-dil kā
pūchho to udhar tīr-fagan kaun hai yaaro
sauñpā thā jise kaam nigahbānī-e-dil kā
dekho to kidhar aaj ruḳh-e-bād-e-sabā hai
kis rah se payām aayā hai zindānī-e-dil kā
utre the kabhī 'faiz' vo ā.īna-e-dil meñ
aalam hai vahī aaj bhī hairānī-e-dil kā
کس شہر نہ شہرہ ہوا نادانئ دل کا
کس پر نہ کھلا راز پریشانئ دل کا
آؤ کریں محفل پہ زر زخم نمایاں
چرچا ہے بہت بے سر و سامانئ دل کا
دیکھ آئیں چلو کوئے نگاراں کا خرابہ
شاید کوئی محرم ملے ویرانئ دل کا
پوچھو تو ادھر تیر فگن کون ہے یارو
سونپا تھا جسے کام نگہبانئ دل کا
دیکھو تو کدھر آج رخ باد صبا ہے
کس رہ سے پیام آیا ہے زندانئ دل کا
اترے تھے کبھی فیضؔ وہ آئینۂ دل میں
عالم ہے وہی آج بھی حیرانئ دل کا