किस हर्फ़ पे तू ने गोश-ए-लब ऐ जान-ए-जहाँ ग़म्माज़ किया
एलान-ए-जुनूँ दिल वालों ने अब के ब-हज़ार-अंदाज़ किया
सौ पैकाँ थे पैवस्त-ए-गुलू जब छेड़ी शौक़ की लय हम ने
सो तीर तराज़ू थे दिल में जब हम ने रक़्स आग़ाज़ किया
बे-हिर्स-ओ-हवा बे-ख़ौफ़-ओ-ख़तर इस हाथ पे सर इस कफ़ पे जिगर
यूँ कू-ए-सनम में वक़्त-ए-सफ़र नज़्ज़ारा-ए-बाम-ए-नाज़ किया
जिस ख़ाक में मिल कर ख़ाक हुए वो सुर्मा-ए-चश्म-ए-ख़ल्क़ बनी
जिस ख़ार पे हम ने ख़ूँ छिड़का हम-रंग-ए-गुल-ए-तन्नाज़ किया
लो वस्ल की साअ'त आ पहुँची फिर हुक्म-ए-हुज़ूरी पर हम ने
आँखों के दरीचे बंद किए और सीने का दर बाज़ किया
kis harf pe tū ne gosha-e-lab ai jān-e-jahāñ ġhammāz kiyā
elān-e-junūñ dil vāloñ ne ab ke ba-hazār-andāz kiyā
sau paikāñ the paivast-e-gulū jab chheḌī shauq kī lai ham ne
so tiir tarāzū the dil meñ jab ham ne raqs āġhāz kiyā
be-hirs-o-havā be-ḳhauf-o-ḳhatar is haath pe sar is kaf pe jigar
yuuñ kū-e-sanam meñ vaqt-e-safar nazzāra-e-bām-e-nāz kiyā
jis ḳhaak meñ mil kar ḳhaak hue vo surma-e-chashm-e-ḳhalq banī
jis ḳhaar pe ham ne ḳhuuñ chhiḌkā ham-rañg-e-gul-e-tannāz kiyā
lo vasl kī saa.at aa pahuñchī phir hukm-e-huzūrī par ham ne
āñkhoñ ke darīche band kiye aur siine kā dar baaz kiyā
کس حرف پہ تو نے گوشۂ لب اے جان جہاں غماز کیا
اعلان جنوں دل والوں نے اب کے بہ ہزار انداز کیا
سو پیکاں تھے پیوست گلو جب چھیڑی شوق کی لے ہم نے
سو تیر ترازو تھے دل میں جب ہم نے رقص آغاز کیا
بے حرص و ہوا بے خوف و خطر اس ہاتھ پہ سر اس کف پہ جگر
یوں کوئے صنم میں وقت سفر نظارۂ بام ناز کیا
جس خاک میں مل کر خاک ہوئے وہ سرمۂ چشم خلق بنی
جس خار پہ ہم نے خوں چھڑکا ہم رنگ گل طناز کیا
لو وصل کی ساعت آ پہنچی پھر حکم حضوری پر ہم نے
آنکھوں کے دریچے بند کیے اور سینے کا در باز کیا