ख़्वाब का अक्स कहाँ ख़्वाब की ता'बीर में है
मुझ को मा'लूम है जो कुछ मिरी तक़दीर में है
मेरी रूदाद-ए-मोहब्बत को न सुनने वाले
तुझ में वो बात कहाँ जो तिरी तस्वीर में है
पैकर-ए-ख़ाक भी हूँ बाइ'स-ए-कौनैन भी हूँ
कितना ईजाज़ नुमायाँ मिरी तफ़्सीर में है
फूल बन कर भी ये एहसास शगूफ़े को नहीं
मेरी तख़रीब का पहलू मिरी ता'मीर में है
हुस्न के साथ तुझे हुस्न-ए-वफ़ा भी मिलता
इसी हल्क़े की ज़रूरत तिरी ज़ंजीर में है
वुसअ'त-ए-दामन-ए-रहमत की क़सम खाता हूँ
उज़्र-ए-तक़्सीर भी दाख़िल-ए-हद-ए-तक़्सीर में है
एक तहदार ये मिस्रा है जवाब-ए-ख़त में
किस क़दर शोख़-बयानी तिरी तहरीर में है
क्या तमाशा है ये ऐ पा-ए-जुनून-ए-रुस्वा
कभी ज़ंजीर से बाहर कभी ज़ंजीर में है
जाने कब उस पे उजाले को तरस आएगा
वो सियह-पोश फ़ज़ा जो मिरी तक़दीर में है
गुफ़्तुगू होती है अक्सर शब-ए-तन्हाई में
एक ख़ामोश तकल्लुम तिरी तस्वीर में है
मेरी नज़रों में यही हुस्न-ए-तग़ज़्ज़ुल है 'उरूज'
शेर-गोई का मज़ा पैरवी-ए-'मीर' में है
ḳhvāb kā aks kahāñ ḳhvāb kī ta.abīr meñ hai
mujh ko ma.alūm hai jo kuchh mirī taqdīr meñ hai
merī rūdād-e-mohabbat ko na sunñe vaale
tujh meñ vo baat kahāñ jo tirī tasvīr meñ hai
paikar-e-ḳhāk bhī huuñ bā.is-e-kaunain bhī huuñ
kitnā ījāz numāyāñ mirī tafsīr meñ hai
phuul ban kar bhī ye ehsās shagūfe ko nahīñ
merī taḳhrīb kā pahlū mirī ta.amīr meñ hai
husn ke saath tujhe husn-e-vafā bhī miltā
isī halqe kī zarūrat tirī zanjīr meñ hai
vus.at-e-dāman-e-rahmat kī qasam khātā huuñ
uzr-e-taqsīr bhī dāḳhil-e-had-e-taqsīr meñ hai
ek tahdār ye misra.a hai javāb-e-ḳhat meñ
kis qadar shoḳh-bayānī tirī tahrīr meñ hai
kyā tamāshā hai ye ai pā-e-junūn-e-rusvā
kabhī zanjīr se bāhar kabhī zanjīr meñ hai
jaane kab us pe ujāle ko taras aa.egā
vo siyah-posh fazā jo mirī taqdīr meñ hai
guftugū hotī hai aksar shab-e-tanhā.ī meñ
ek ḳhāmosh takallum tirī tasvīr meñ hai
merī nazroñ meñ yahī husn-e-taġhazzul hai 'urūj'
sher-goī kā mazā pairvī-e-'mīr' meñ hai
خواب کا عکس کہاں خواب کی تعبیر میں ہے
مجھ کو معلوم ہے جو کچھ مری تقدیر میں ہے
میری روداد محبت کو نہ سننے والے
تجھ میں وہ بات کہاں جو تری تصویر میں ہے
پیکر خاک بھی ہوں باعث کونین بھی ہوں
کتنا ایجاز نمایاں مری تفسیر میں ہے
پھول بن کر بھی یہ احساس شگوفے کو نہیں
میری تخریب کا پہلو مری تعمیر میں ہے
حسن کے ساتھ تجھے حسن وفا بھی ملتا
اسی حلقے کی ضرورت تری زنجیر میں ہے
وسعت دامن رحمت کی قسم کھاتا ہوں
عذر تقصیر بھی داخل حد تقصیر میں ہے
ایک تہہ دار یہ مصرع ہے جواب خط میں
کس قدر شوخ بیانی تری تحریر میں ہے
کیا تماشا ہے یہ اے پائے جنون رسوا
کبھی زنجیر سے باہر کبھی زنجیر میں ہے
جانے کب اس پہ اجالے کو ترس آئے گا
وہ سیہ پوش فضا جو مری تقدیر میں ہے
گفتگو ہوتی ہے اکثر شب تنہائی میں
ایک خاموش تکلم تری تصویر میں ہے
میری نظروں میں یہی حسن تغزل ہے عروجؔ
شعر گوئی کا مزا پیروی میرؔ میں ہے