ख़ुदा रक्खे हमें तब से कि जब तुम्हारे बने
बहुत बुरे थे हम अच्छे तुम्हारे मारे बने
ये तेरे हुस्न-ए-निहायत का नाम-ए-नामी है
कि इन से रंग खुलें और इस्ति'आरे बने
तरह तरह से तिरे ख़द्द-ओ-ख़ाल देखे हैं
मगर अभी भी नहीं तेरे माह-पारे बने
तिरे सुख़न से मुरत्तब हुई लुग़ात मिरी
ये तेरे दस्त-ए-हुनर से मिरे इशारे बने
ये तेरे पाँव उठे हैं जहाँ-जहाँ के लिए
वहाँ वहाँ मिरे दरियाओं के किनारे बने
जुनून-ए-अस्ल में हंगाम-ए-वस्ल मिलते ही
मिरे वुजूद में सौ सौ तरह के धारे बने
ये तेरे शौक़ की ख़ातिर है आसमान बिछा
ये तेरे शौक़ की ख़ातिर है सब सितारे बने
ḳhudā rakkhe hameñ tab se ki jab tumhāre bane
bahut bure the ham achchhe tumhāre maare bane
ye tere husn-e-nihāyat kā nām-e-nāmī hai
ki in se rang khuleñ aur isti'āre bane
tarah tarah se tire ḳhadd-o-ḳhāl dekhe haiñ
magar abhī bhī nahīñ tere māh-pāre bane
tire suḳhan se murattab huī luġhāt mirī
ye tere dast-e-hunar se mire ishāre bane
ye tere paañv uThe haiñ jahāñ-jahāñ ke liye
vahāñ vahāñ mire dariyāoñ ke kināre bane
junūn-e-asl meñ hangām-e-vasl milte hī
mire vujūd meñ sau sau tarah ke dhāre bane
ye tere shauq kī ḳhātir hai āsmān bichhā
ye tere shauq kī ḳhātir hai sab sitāre bane
خدا رکھے ہمیں تب سے کہ جب تمہارے بنے
بہت برے تھے ہم اچھے تمہارے مارے بنے
یہ تیرے حسن نہایت کا نام نامی ہے
کہ ان سے رنگ کھلیں اور استعارے بنے
طرح طرح سے ترے خد و خال دیکھے ہیں
مگر ابھی بھی نہیں تیرے ماہ پارے بنے
ترے سخن سے مرتب ہوئی لغات مری
یہ تیرے دست ہنر سے مرے اشارے بنے
یہ تیرے پاؤں اٹھے ہیں جہاں جہاں کے لئے
وہاں وہاں مرے دریاؤں کے کنارے بنے
جنون اصل میں ہنگام وصل ملتے ہی
مرے وجود میں سو سو طرح کے دھارے بنے
یہ تیرے شوق کی خاطر ہے آسمان بچھا
یہ تیرے شوق کی خاطر ہے سب ستارے بنے