ख़ुद मज़ेदार तबीअ'त है तो सामाँ कैसा
ज़ख़्म-ए-दिल आप हैं शोरिश पे नमक-दाँ कैसा
हाथ वहशत में न पोंछे तो गरेबाँ कैसा
ख़ार-ए-सहरा से न उलझे तो वो दामाँ कैसा
कूचा-ए-यार को दावा है कि जन्नत मैं हूँ
ख़ुल्द कहते हैं किसे रौज़ा-ए-रिज़वाँ कैसा
उसी माबूद का है दैर-ओ-हरम में जल्वा
बहस किस बात की है गब्र ओ मुसलमाँ कैसा
वादा-ए-बादा-ए-अतहर का भरोसा कब तक
चल के भट्टी पे पिएँ जुर'आ-ए-इरफ़ाँ कैसा
हम हुए 'क़ैस' हुए 'वामिक़' ओ 'फ़रहाद' हुए
ज़ुल्फ़-ए-पुर-ख़म ने किया सब को परेशाँ कैसा
दूर के ढोल हैं यूसुफ़ की कहानी साहब
किस को मा'लूम है होगा मह-ए-कनआँ' कैसा
तेरे क़ुर्बान मैं इतना तो बता दे क़ातिल
मेरी गर्दन पे चला ख़ंजर-ए-बुर्रां कैसा
दिल के आईने में तस्वीर-ए-सनम रखता है
नहीं मा'लूम कि 'आग़ा' है मुसलमाँ कैसा
ḳhud mazedār tabī.at hai to sāmāñ kaisā
zaḳhm-e-dil aap haiñ shorish pe namak-dāñ kaisā
haath vahshat meñ na poñchhe to garebāñ kaisā
ḳhār-e-sahrā se na uljhe to vo dāmāñ kaisā
kūcha-e-yār ko da.avā hai ki jannat maiñ huuñ
ḳhuld kahte haiñ kise rauza-e-rizvāñ kaisā
usī ma.abūd kā hai dair-o-haram meñ jalva
bahs kis baat kī hai gabr o musalmāñ kaisā
va.ada-e-bāda-e-at.har kā bharosa kab tak
chal ke bhaTTī pe piyeñ jur.a-e-irfāñ kaisā
ham hue 'qais' hue 'vāmiq' o 'farhād' hue
zulf-e-pur-ḳham ne kiyā sab ko pareshāñ kaisā
duur ke Dhol haiñ yūsuf kī kahānī sāhab
kis ko ma.alūm hai hogā mah-e-kan.āñ kaisā
tere qurbān maiñ itnā to batā de qātil
merī gardan pe chalā ḳhanjar-e-burrāñ kaisā
dil ke ā.īne meñ tasvīr-e-sanam rakhtā hai
nahīñ ma.alūm ki 'āġhā' hai musalmāñ kaisā
خود مزے دار طبیعت ہے تو ساماں کیسا
زخم دل آپ ہیں شورش پہ نمکداں کیسا
ہاتھ وحشت میں نہ پونچھے تو گریباں کیسا
خار صحرا سے نہ الجھے تو وہ داماں کیسا
کوچۂ یار کو دعویٰ ہے کہ جنت میں ہوں
خلد کہتے ہیں کسے روضۂ رضواں کیسا
اسی معبود کا ہے دیر و حرم میں جلوہ
بحث کس بات کی ہے گبر و مسلماں کیسا
وعدۂ بادۂ اطہر کا بھروسہ کب تک
چل کے بھٹی پہ پئیں جرعۂ عرفاں کیسا
ہم ہوئے قیسؔ ہوئے وامقؔ و فرہادؔ ہوئے
زلف پر خم نے کیا سب کو پریشاں کیسا
دور کے ڈھول ہیں یوسف کی کہانی صاحب
کس کو معلوم ہے ہوگا مہ کنعاں کیسا
تیرے قربان میں اتنا تو بتا دے قاتل
میری گردن پہ چلا خنجر براں کیسا
دل کے آئینہ میں تصویر صنم رکھتا ہے
نہیں معلوم کہ آغاؔ ہے مسلماں کیسا