ख़ुद अपनी परस्तिश करते हैं कुछ दैर-ओ-हरम से काम नहीं
वो तर्ज़-ए-नियाज़-ए-ख़ास है ये जो कुफ़्र नहीं इस्लाम नहीं
हों पीर-ए-मुग़ाँ या शैख़-ए-हरम सब बाँध रहे हैं अपनी हवा
कहने को बहुत कुछ कहते हैं जो बात है उस का नाम नहीं
हम तोड़ दें क़ैद-ए-हस्ती भी ये क़ैद-ए-क़फ़स तो चीज़ है क्या
इक जुम्बिश-ए-क़ल्ब-ए-मुज़्तर में या हम ही नहीं या बाम नहीं
है जोश-ए-अता-ए-साक़ी भी कब वजह-ए-सुकून-ए-तिश्ना-लबी
या जाम ब-क़द्र-ए-बादा नहीं या बादा ब-क़द्र-ए-जाम नहीं
आज़ाद रहे नाकाम जिए पाबंद भला क्या शाद रहें
हो सहन-ए-चमन या कुंज-ए-क़फ़स हम को तो कहीं आराम नहीं
हिम्मत ही नहीं की वर्ना अभी इक जस्त में मंज़िल जा लेते
कटती है कहीं यूँ राह भला दो गाम चले दो गाम नहीं
क्या शाहिद-ए-राना छाँटा है अल्लाह-रे मेरी दीदा-वरी
ये हुस्न सर-ए-बाज़ार नहीं ये ज़ौक़-ए-तमाशा आम नहीं
ḳhud apnī parastish karte haiñ kuchh dair-o-haram se kaam nahīñ
vo tarz-e-niyāz-e-ḳhās hai ye jo kufr nahīñ islām nahīñ
hoñ pīr-e-muġhāñ yā shaiḳh-e-haram sab bāñdh rahe haiñ apnī havā
kahne ko bahut kuchh kahte haiñ jo baat hai us kā naam nahīñ
ham toḌ deñ qaid-e-hastī bhī ye qaid-e-qafas to chiiz hai kyā
ik jumbish-e-qalb-e-muztar meñ yā ham hī nahīñ yā baam nahīñ
hai josh-e-atā-e-sāqī bhī kab vajh-e-sukūn-e-tishna-labī
yā jaam ba-qadr-e-bāda nahīñ yā baada ba-qadr-e-jām nahīñ
āzād rahe nākām jiye pāband bhalā kyā shaad raheñ
ho sahn-e-chaman yā kunj-e-qafas ham ko to kahīñ ārām nahīñ
himmat hī nahīñ kī varna abhī ik jast meñ manzil jā lete
kaTtī hai kahīñ yuuñ raah bhalā do gaam chale do gaam nahīñ
kyā shāhid-e-rānā chhāñTā hai allāh-re merī dīda-varī
ye husn sar-e-bāzār nahīñ ye zauq-e-tamāshā aam nahīñ
خود اپنی پرستش کرتے ہیں کچھ دیر و حرم سے کام نہیں
وہ طرز نیاز خاص ہے یہ جو کفر نہیں اسلام نہیں
ہوں پیر مغاں یا شیخ حرم سب باندھ رہے ہیں اپنی ہوا
کہنے کو بہت کچھ کہتے ہیں جو بات ہے اس کا نام نہیں
ہم توڑ دیں قید ہستی بھی یہ قید قفس تو چیز ہے کیا
اک جنبش قلب مضطر میں یا ہم ہی نہیں یا بام نہیں
ہے جوش عطائے ساقی بھی کب وجہ سکون تشنہ لبی
یا جام بقدر بادہ نہیں یا بادہ بقدر جام نہیں
آزاد رہے ناکام جئے پابند بھلا کیا شاد رہیں
ہو صحن چمن یا کنج قفس ہم کو تو کہیں آرام نہیں
ہمت ہی نہیں کی ورنہ ابھی اک جست میں منزل جا لیتے
کٹتی ہے کہیں یوں راہ بھلا دو گام چلے دو گام نہیں
کیا شاہد رعنا چھانٹا ہے اللہ رے میری دیدہ وری
یہ حسن سر بازار نہیں یہ ذوق تماشا عام نہیں