खोता ही नहीं है हवस-ए-मतअम-ओ-मलबस
ये नफ़्स-ए-हवसनाक ओ बद-आमोज़-ओ-मुहव्वस
बे-शुबह तिरी ज़ात ख़ुदावंद-ए-ख़लाइक़
आ'ला है तआ'ला है मुअ'ल्ला है मुक़द्दस
वो काम तू कर जिस से तिरी गोर हो गुलज़ार
क्या ख़ाना-ए-दीवार को करता है मुक़र्नस
मदफ़न के तईं आगे ही मुनइ'म न बिना रख
क्या जानिए वाँ दफ़्न हो या खाएगा कर्गस
है वस्ल तिरा जन्नत-ओ-दोज़ख़ ही जुदा है
जाने है कब इस बाब के तईं हर कस-ओ-ना-कस
तस्वीर तिरे पंजा-ए-सीमीं की तला से
दीवान में है मेरे लिखी जाए मुख़म्मस
कहने को मिरे दिल के सुन ऐ गुलशन-ए-ख़ूबी
गर है तो तिरे को है ये फ़िरदौस ये मुरदस
सुन सुन के तिरा शोर वो बेज़ार हुआ और
नाले का असर तेरे दिला देख लिया बस
इस जुब्बा-ओ-अम्मामा से रिंदों में न आओ
रुस्वा न करो शैख़-जी ये शक्ल-ए-मुक़द्दस
मानिंद-ए-कमाँ ख़म न करूँ क़द को तमअ' से
गर्दिश में रखे गो मुझे ये चर्ख़-ए-मुक़व्वस
हर रात है आशिक़ को तिरे रोज़-ए-क़यामत
हर रोज़ जुदाई में उसे हो है हुनद्दस
'ताबाँ' ये ग़ज़ल अहल-ए-शुऊरों के लिए है
अहमक़ न कोई समझे तो जाने मिरा धंदस
khotā hī nahīñ hai havas-e-mat.am-o-malbas
ye nafs-e-havasnāk o bad-āmoz-o-muhavvas
be-shubah tirī zaat ḳhudāvand-e-ḳhalā.iq
a.alā hai ta.ālā hai mua.allā hai muqaddas
vo kaam tū kar jis se tirī gor ho gulzār
kyā ḳhāna-e-dīvār ko kartā hai muqarnas
madfan ke ta.iiñ aage hī mun.im na binā rakh
kyā jāniye vaañ dafn ho yā khā.egā kargas
hai vasl tirā jannat-o-dozaḳh hī judā hai
jaane hai kab is baab ke ta.iiñ har kas-o-nā-kas
tasvīr tire panja-e-sīmīñ kī talā se
dīvān meñ hai mere likhī jaa.e muḳhammas
kahne ko mire dil ke sun ai gulshan-e-ḳhūbī
gar hai to tire ko hai ye firdaus ye murdas
sun sun ke tirā shor vo bezār huā aur
naale kā asar tere dilā dekh liyā bas
is jubba-o-ammāma se rindoñ meñ na aao
rusvā na karo shaiḳh-jī ye shakl-e-muqaddas
mānind-e-kamāñ ḳham na karūñ qad ko tama.a se
gardish meñ rakhe go mujhe ye charḳh-e-muqavvas
har raat hai āshiq ko tire roz-e-qayāmat
har roz judā.ī meñ use ho hai hunaddas
'tābāñ' ye ġhazal ahl-e-shu.ūroñ ke liye hai
ahmaq na koī samjhe to jaane mirā dhandas
کھوتا ہی نہیں ہے ہوس مطعم و ملبس
یہ نفس ہوس ناک و بد آموز و مہوس
بے شبہ تری ذات خداوند خلائق
اعلیٰ ہے تعالی ہے معلیٰ ہے مقدس
وہ کام تو کر جس سے تری گور ہو گل زار
کیا خانئہ دیوار کو کرتا ہے مقرنس
مدفن کے تئیں آگے ہی منعم نہ بنا رکھ
کیا جانیے واں دفن ہو یا کھائے گا کرگس
ہے وصل ترا جنت و دوزخ ہی جدا ہے
جانے ہے کب اس باب کے تئیں ہر کس و ناکس
تصویر ترے پنجۂ سیمیں کی طلا سے
دیوان میں ہے میرے لکھی جائے مخمس
کہنے کو مرے دل کے سن اے گلشن خوبی
گر ہے تو ترے کو ہے یہ فردوس یہ مردس
سن سن کے ترا شور وہ بیزار ہوا اور
نالے کا اثر تیرے دلا دیکھ لیا بس
اس جبہ و عمامہ سے رندوں میں نہ آؤ
رسوا نہ کرو شیخ جی یہ شکل مقدس
مانند کماں خم نہ کروں قد کو طمع سے
گردش میں رکھے گو مجھے یہ چرخ مقدس
ہر رات ہے عاشق کو ترے روز قیامت
ہر روز جدائی میں اسے ہو ہے حندس
تاباںؔ یہ غزل اہل شعوروں کے لیے ہے
احمق نہ کوئی سمجھے تو جانے مرا دھندس