करूँ रौशन मैं कब तक ख़ून से ग़म के शबिस्ताँ को
तबी'अत चाहती है फूँक दूँ जश्न-ए-चराग़ाँ को
वहाँ पहुँचा दिया है मुझ को ‘इरफ़ान-ए-हक़ीक़त ने
जहाँ चेहरे से पहचाना है मैं ने ज़र्फ़-ए-इंसाँ को
तजल्ली मा'रिफ़त ख़ल्वत तसव्वुफ़ 'इश्क़ क्या शय है
मिरी लग़्ज़िश बताएगी ये बातें अहल-ए-'इरफ़ाँ को
मुझे ऐ नाख़ुदा ख़तरों से क्यों आगाह करता है
लब-ए-साहिल पहुँच कर देख लूँगा नब्ज़-ए-तूफ़ाँ को
असीरान-ए-क़फ़स पर तब्सिरे का हक़ नहीं उन को
जो हद्द-ए-आशियाँ से देखते रहते हैं ज़िंदाँ को
नहीं होता उन्हें कुछ ख़ौफ़ तूफ़ान-ओ-हवादिस का
जो बहर-ए-ग़म में अपना हम-सफ़र रखते हैं तूफ़ाँ को
हक़ीक़त में सुख़न-फ़हमी बहुत मुश्किल है ऐ 'क़ैसर'
समझने में ग़लत-फ़हमी भी हो सकती है इंसाँ को
karūñ raushan maiñ kab tak ḳhuun se ġham ke shabistāñ ko
tabī'at chāhtī hai phūñk duuñ jashn-e-charāġhāñ ko
vahāñ pohñchā diyā hai mujh ko ‘irfān-e-haqīqat ne
jahāñ chehre se pahchānā hai maiñ ne zarf-e-insāñ ko
tajallī mā'rifat ḳhalvat tasavvuf 'ishq kyā shai hai
mirī laġhzish batā.egī ye bāteñ ahl-e-'irfāñ ko
mujhe ai nāḳhudā ḳhatroñ se kyoñ āgāh kartā hai
lab-e-sāhil pahuñch kar dekh lūñgā nabz-e-tūfāñ ko
asīrān-e-qafas par tabsire kā haq nahīñ un ko
jo hadd-e-āshiyāñ se dekhte rahte haiñ zindāñ ko
nahīñ hotā unheñ kuchh ḳhauf tūfān-o-havādis kā
jo bahr-e-ġham meñ apnā ham-safar rakhte haiñ tūfāñ ko
haqīqat meñ suḳhan-fahmī bahut mushkil hai ai 'qaisar'
samajhne meñ ġhalat-fahmī bhī ho saktī hai insāñ ko
کروں روشن میں کب تک خون سے غم کے شبستاں کو
طبیعت چاہتی ہے پھونک دوں جشن چراغاں کو
وہاں پہنچا دیا ہے مجھ کو عرفان حقیقت نے
جہاں چہرے سے پہچانا ہے میں نے ظرف انساں کو
تجلی معرفت خلوت تصوف عشق کیا شے ہے
مری لغزش بتائے گی یہ باتیں اہل عرفاں کو
مجھے اے ناخدا خطروں سے کیوں آگاہ کرتا ہے
لب ساحل پہنچ کر دیکھ لوں گا نبض طوفاں کو
اسیران قفس پر تبصرے کا حق نہیں ان کو
جو حد آشیاں سے دیکھتے رہتے ہیں زنداں کو
نہیں ہوتا انہیں کچھ خوف طوفان و حوادث کا
جو بحر غم میں اپنا ہم سفر رکھتے ہیں طوفاں کو
حقیقت میں سخن فہمی بہت مشکل ہے اے قیصرؔ
سمجھنے میں غلط فہمی بھی ہو سکتی ہے انساں کو