आ गए तो और भी नज़दीक आना चाहिए
अब पुरानी रंजिशों को भूल जाना चाहिए
हम जहाँ थे उस सतह से और नीचे आ गए
उस ज़माने तक पहुँचने को ज़माना चाहिए
ऐ जुनूँ कुछ देर ये शुग़्ल-ए-हवा-ख़ोरी सही
ख़ुश्क पत्तों को हवाओं में उड़ाना चाहिए
घर में हम महफ़ूज़ रह कर भी हिफ़ाज़त से नहीं
शहर का मौसम बदलने को ज़माना चाहिए
पाओं में ज़ंजीर और हाथों में है सैफ़-ओ-क़लम
सोचिए इस शहर में रहना कि जाना चाहिए
लर्ज़ां लर्ज़ां थरथराहट का असर जिस में न हो
ज़लज़लों के सामने वो आशियाना चाहिए
नाज़ुकी यूँ है ग़ज़ल की धूप में जैसे गुलाब
साया साया शे'र ऐ 'क़ैसर' सुनाना चाहिए
aa ga.e to aur bhī nazdīk aanā chāhiye
ab purānī ranjishoñ ko bhuul jaanā chāhiye
ham jahāñ the us satah se aur nīche aa ga.e
us zamāne tak pahuñchne ko zamāna chāhiye
ai junūñ kuchh der ye shuġhl-e-havā-ḳhorī sahī
ḳhushk pattoñ ko havāoñ meñ uḌānā chāhiye
ghar meñ ham mahfūz rah kar bhī hifāzat se nahīñ
shahr kā mausam badalne ko zamāna chāhiye
paaoñ meñ zanjīr aur hāthoñ meñ hai saif-o-qalam
sochiye is shahr meñ rahnā ki jaanā chāhiye
larzāñ larzāñ thartharāhaT kā asar jis meñ na ho
zalzaloñ ke sāmne vo āshiyāna chāhiye
nāzukī yuuñ hai ġhazal kī dhuup meñ jaise gulāb
saaya saaya she'r ai 'qaisar' sunānā chāhiye
آ گئے تو اور بھی نزدیک آنا چاہیے
اب پرانی رنجشوں کو بھول جانا چاہیے
ہم جہاں تھے اس سطح سے اور نیچے آ گئے
اس زمانے تک پہنچنے کو زمانہ چاہیے
اے جنوں کچھ دیر یہ شغل ہوا خوری سہی
خشک پتوں کو ہواؤں میں اڑانا چاہیے
گھر میں ہم محفوظ رہ کر بھی حفاظت سے نہیں
شہر کا موسم بدلنے کو زمانہ چاہیے
پاؤں میں زنجیر اور ہاتھوں میں ہے سیف و قلم
سوچیے اس شہر میں رہنا کہ جانا چاہیے
لرزاں لرزاں تھرتھراہٹ کا اثر جس میں نہ ہو
زلزلوں کے سامنے وہ آشیانہ چاہیے
نازکی یوں ہے غزل کی دھوپ میں جیسے گلاب
سایہ سایہ شعر اے قیصرؔ سنانا چاہیے