करें किस लिए हम किसी का लिहाज़
किसी को नहीं जब हमारा लिहाज़
मुसावात उस चीज़ का नाम है
कि उठ जाए छोटे बड़े का लिहाज़
लिहाज़ इस का कुछ तुम को भी चाहिए
किया हम ने कितना तुम्हारा लिहाज़
किसी की कोई बात सुनता नहीं
किसी को नहीं अब किसी का लिहाज़
खरी बात कहने के आदी हैं हम
न बेजा मुरव्वत न बेजा लिहाज़
जो इंसाँ ज़माने के काम आएगा
उसी का करेगा ज़माना लिहाज़
न रुत्बा न ओहदा न ज़र है न ज़ोर
करे कौन 'सरशार' तेरा लिहाज़
kareñ kis liye ham kisī kā lihāz
kisī ko nahīñ jab hamārā lihāz
musāvāt us chiiz kā naam hai
ki uTh jaa.e chhoTe baḌe kā lihāz
lihāz is kā kuchh tum ko bhī chāhiye
kiyā ham ne kitnā tumhārā lihāz
kisī kī koī baat suntā nahīñ
kisī ko nahīñ ab kisī kā lihāz
kharī baat kahne ke aadī haiñ ham
na bejā muravvat na bejā lihāz
jo insāñ zamāne ke kaam aa.egā
usī kā karegā zamāna lihāz
na rutba na ohda na zar hai na zor
kare kaun 'sarshār' terā lihāz
کریں کس لیے ہم کسی کا لحاظ
کسی کو نہیں جب ہمارا لحاظ
مساوات اس چیز کا نام ہے
کہ اٹھ جائے چھوٹے بڑے کا لحاظ
لحاظ اس کا کچھ تم کو بھی چاہئے
کیا ہم نے کتنا تمہارا لحاظ
کسی کی کوئی بات سنتا نہیں
کسی کو نہیں اب کسی کا لحاظ
کھری بات کہنے کے عادی ہیں ہم
نہ بے جا مروت نہ بے جا لحاظ
جو انساں زمانے کے کام آئے گا
اسی کا کرے گا زمانہ لحاظ
نہ رتبہ نہ عہدہ نہ زر ہے نہ زور
کرے کون سرشارؔ تیرا لحاظ