जब क़ौम पर आफ़त आई हो जब मुल्क पड़ा हो मुश्किल में
इंसान वो क्या मर मिटने का एहसास न हो जिस के दिल में
हँसने का तरीक़ा पैदा कर रोने का सलीक़ा पैदा कर
हँस फूल की सूरत गुलशन में रो शम्अ की सूरत महफ़िल में
क़ातिल के दिल की कमज़ोरी ने सारा काम बिगाड़ दिया
हम तिश्ना-ए-शौक़-ए-शहादत थे ख़ंजर भी था दस्त-ए-क़ातिल में
महफ़िल की महफ़िल बेहिस है तारी है जुमूद इंसानों पर
उठ सोज़ का आलम बरपा कर और आग लगा दे हर दिल में
हर क़तरा दरिया बनने को बेताब दिखाई देता है
हर मौज-ए-रवाँ बेचैन नज़र आती है फ़िराक़-ए-साहिल में
'सरशार' वो क्यूँकर कहते हैं हम क़ौम ओ वतन के ख़ादिम हैं
डाले न गए जो ज़िंदाँ में जकड़े न गए जो सलासिल में
jab qaum par aafat aa.ī ho jab mulk paḌā ho mushkil meñ
insān vo kyā mar miTne kā ehsās na ho jis ke dil meñ
hañsne kā tarīqa paidā kar rone kā salīqa paidā kar
hañs phuul kī sūrat gulshan meñ ro sham.a kī sūrat mahfil meñ
qātil ke dil kī kamzorī ne saarā kaam bigāḌ diyā
ham tishna-e-shauq-e-shahādat the ḳhanjar bhī thā dast-e-qātil meñ
mahfil kī mahfil behis hai taarī hai jumūd insānoñ par
uTh soz kā aalam barpā kar aur aag lagā de har dil meñ
har qatra dariyā banñe ko betāb dikhā.ī detā hai
har mauj-e-ravāñ bechain nazar aatī hai firāq-e-sāhil meñ
'sarshār' vo kyūñkar kahte haiñ ham qaum o vatan ke ḳhādim haiñ
Daale na ga.e jo zindāñ meñ jakḌe na ga.e jo salāsil meñ
جب قوم پر آفت آئی ہو جب ملک پڑا ہو مشکل میں
انسان وہ کیا مر مٹنے کا احساس نہ ہو جس کے دل میں
ہنسنے کا طریقہ پیدا کر رونے کا سلیقہ پیدا کر
ہنس پھول کی صورت گلشن میں رو شمع کی صورت محفل میں
قاتل کے دل کی کمزوری نے سارا کام بگاڑ دیا
ہم تشنۂ شوق شہادت تھے خنجر بھی تھا دست قاتل میں
محفل کی محفل بے حس ہے طاری ہے جمود انسانوں پر
اٹھ سوز کا عالم برپا کر اور آگ لگا دے ہر دل میں
ہر قطرہ دریا بننے کو بیتاب دکھائی دیتا ہے
ہر موج رواں بے چین نظر آتی ہے فراق ساحل میں
سرشارؔ وہ کیوں کر کہتے ہیں ہم قوم و وطن کے خادم ہیں
ڈالے نہ گئے جو زنداں میں جکڑے نہ گئے جو سلاسل میں