कल तलक थे जो ख़ूब साया-दार
आज ख़ुद जल रहे हैं वो अश्जार
आओ हम भी ख़रीद लें चल कर
लग रहा है ख़ुलूस का बाज़ार
अपने चेहरे छुपा के भाग चलो
आइनों से फ़ुज़ूल है तकरार
फिर कोई हादिसा हुआ शायद
बिक रहे हैं गली गली अख़बार
जब भी देखूँ उन्हें ये लगता है
जैसे देखा हो आज पहली बार
शायरी में समेट लो 'ताबिश'
ज़िंदगी के नए नए अफ़्कार
kal talak the jo ḳhuub sāya-dār
aaj ḳhud jal rahe haiñ vo ashjār
aao ham bhī ḳharīd leñ chal kar
lag rahā hai ḳhulūs kā bāzār
apne chehre chhupā ke bhaag chalo
ā.inoñ se fuzūl hai takrār
phir koī hādisa huā shāyad
bik rahe haiñ galī galī aḳhbār
jab bhī dekhūñ unheñ ye lagtā hai
jaise dekhā ho aaj pahlī baar
shā.erī meñ sameT lo 'tābish'
zindagī ke na.e na.e afkār
کل تلک تھے جو خوب سایہ دار
آج خود جل رہے ہیں وہ اشجار
آؤ ہم بھی خرید لیں چل کر
لگ رہا ہے خلوص کا بازار
اپنے چہرے چھپا کے بھاگ چلو
آئنوں سے فضول ہے تکرار
پھر کوئی حادثہ ہوا شاید
بک رہے ہیں گلی گلی اخبار
جب بھی دیکھوں انہیں یہ لگتا ہے
جیسے دیکھا ہو آج پہلی بار
شاعری میں سمیٹ لو تابشؔ
زندگی کے نئے نئے افکار