कल चौदहवीं की रात थी शब भर रहा चर्चा तिरा
कुछ ने कहा ये चाँद है कुछ ने कहा चेहरा तिरा
हम भी वहीं मौजूद थे हम से भी सब पूछा किए
हम हँस दिए हम चुप रहे मंज़ूर था पर्दा तिरा
इस शहर में किस से मिलें हम से तो छूटीं महफ़िलें
हर शख़्स तेरा नाम ले हर शख़्स दीवाना तिरा
कूचे को तेरे छोड़ कर जोगी ही बन जाएँ मगर
जंगल तिरे पर्बत तिरे बस्ती तिरी सहरा तिरा
हम और रस्म-ए-बंदगी आशुफ़्तगी उफ़्तादगी
एहसान है क्या क्या तिरा ऐ हुस्न-ए-बे-परवा तिरा
दो अश्क जाने किस लिए पलकों पे आ कर टिक गए
अल्ताफ़ की बारिश तिरी इकराम का दरिया तिरा
ऐ बे-दरेग़ ओ बे-अमाँ हम ने कभी की है फ़ुग़ाँ
हम को तिरी वहशत सही हम को सही सौदा तिरा
हम पर ये सख़्ती की नज़र हम हैं फ़क़ीर-ए-रहगुज़र
रस्ता कभी रोका तिरा दामन कभी थामा तिरा
हाँ हाँ तिरी सूरत हसीं लेकिन तू ऐसा भी नहीं
इक शख़्स के अशआ'र से शोहरा हुआ क्या क्या तिरा
बेदर्द सुननी हो तो चल कहता है क्या अच्छी ग़ज़ल
आशिक़ तिरा रुस्वा तिरा शाइर तिरा 'इंशा' तिरा
kal chaudhvīñ kī raat thī shab bhar rahā charchā tirā
kuchh ne kahā ye chāñd hai kuchh ne kahā chehrā tirā
ham bhī vahīñ maujūd the ham se bhī sab pūchhā kiye
ham hañs diye ham chup rahe manzūr thā parda tirā
is shahr meñ kis se mileñ ham se to chhūTīñ mahfileñ
har shaḳhs terā naam le har shaḳhs dīvānā tirā
kūche ko tere chhoḌ kar jogī hī ban jaa.eñ magar
jangal tire parbat tire bastī tirī sahrā tirā
ham aur rasm-e-bandagī āshuftagī uftādgī
ehsān hai kyā kyā tirā ai husn-e-be-parvā tirā
do ashk jaane kis liye palkoñ pe aa kar Tik ga.e
altāf kī bārish tirī ikrām kā dariyā tirā
ai be-dareġh o be-amāñ ham ne kabhī kī hai fuġhāñ
ham ko tirī vahshat sahī ham ko sahī saudā tirā
ham par ye saḳhtī kī nazar ham haiñ faqīr-e-rehguzar
rasta kabhī rokā tirā dāman kabhī thāmā tirā
haañ haañ tirī sūrat hasīñ lekin tū aisā bhī nahīñ
ik shaḳhs ke ash.ār se shohra huā kyā kyā tirā
bedard sunñī ho to chal kahtā hai kyā achchhī ġhazal
āshiq tirā rusvā tirā shā.ir tirā 'inshā' tirā
کل چودھویں کی رات تھی شب بھر رہا چرچا ترا
کچھ نے کہا یہ چاند ہے کچھ نے کہا چہرا ترا
ہم بھی وہیں موجود تھے ہم سے بھی سب پوچھا کیے
ہم ہنس دئیے ہم چپ رہے منظور تھا پردہ ترا
اس شہر میں کس سے ملیں ہم سے تو چھوٹیں محفلیں
ہر شخص تیرا نام لے ہر شخص دیوانا ترا
کوچے کو تیرے چھوڑ کر جوگی ہی بن جائیں مگر
جنگل ترے پربت ترے بستی تری صحرا ترا
ہم اور رسم بندگی آشفتگی افتادگی
احسان ہے کیا کیا ترا اے حسن بے پروا ترا
دو اشک جانے کس لیے پلکوں پہ آ کر ٹک گئے
الطاف کی بارش تری اکرام کا دریا ترا
اے بے دریغ و بے اماں ہم نے کبھی کی ہے فغاں
ہم کو تری وحشت سہی ہم کو سہی سودا ترا
ہم پر یہ سختی کی نظر ہم ہیں فقیر رہ گزر
رستہ کبھی روکا ترا دامن کبھی تھاما ترا
ہاں ہاں تری صورت حسیں لیکن تو ایسا بھی نہیں
اک شخص کے اشعار سے شہرہ ہوا کیا کیا ترا
بے درد سننی ہو تو چل کہتا ہے کیا اچھی غزل
عاشق ترا رسوا ترا شاعر ترا انشاؔ ترا