कहाँ पे बिछड़े थे हम लोग कुछ पता मिल जाए
तुम्हारी तरह अगर कोई दूसरा मिल जाए
हज़ारों नक़्श निहाँ होंगे उस के सीने में
कभी कभी तो ये आईना बोलता मिल जाए
जिलौ में ले के चलें सारे ना-तमाम से ख़्वाब
न जाने किस जगह उम्र-ए-गुरेज़-पा मिल जाए
न जाने क्या करे इमरोज़ का ये सन्नाटा
हमारे माज़ी का इक लम्हा चीख़ता मिल जाए
शिकस्त-ओ-रेख़्त की दुनिया में हूँ तो ख़्वाहिश है
ख़याल बिखरा हुआ जिस्म टूटता मिल जाए
मैं नज़्र कर दूँ उसे ये लहूलुहान बदन
फ़रेब-ख़ुर्दा अक़ीदत का क़ाफ़िला मिल जाए
अगरचे हद्द-ए-नज़र तक धुआँ धुआँ है फ़ज़ा
इसी दयार में मुमकिन है फिर 'सबा' मिल जाए
kahāñ pe bichhḌe the ham log kuchh pata mil jaa.e
tumhārī tarah agar koī dūsrā mil jaa.e
hazāroñ naqsh nihāñ hoñge us ke siine meñ
kabhī kabhī to ye ā.īna boltā mil jaa.e
jilau meñ le ke chaleñ saare nā-tamām se ḳhvāb
na jaane kis jagah umr-e-gurez-pā mil jaa.e
na jaane kyā kare imroz kā ye sannāTā
hamāre maazī kā ik lamha chīḳhtā mil jaa.e
shikast-o-reḳht kī duniyā meñ huuñ to ḳhvāhish hai
ḳhayāl bikhrā huā jism TūTtā mil jaa.e
maiñ nazr kar duuñ use ye lahūluhān badan
fareb-ḳhurda aqīdat kā qāfila mil jaa.e
agarche hadd-e-nazar tak dhuāñ dhuāñ hai fazā
isī dayār meñ mumkin hai phir 'sabā' mil jaa.e
کہاں پہ بچھڑے تھے ہم لوگ کچھ پتہ مل جائے
تمہاری طرح اگر کوئی دوسرا مل جائے
ہزاروں نقش نہاں ہوں گے اس کے سینے میں
کبھی کبھی تو یہ آئینہ بولتا مل جائے
جلو میں لے کے چلیں سارے ناتمام سے خواب
نہ جانے کس جگہ عمر گریز پا مل جائے
نہ جانے کیا کرے امروز کا یہ سناٹا
ہمارے ماضی کا اک لمحہ چیختا مل جائے
شکست و ریخت کی دنیا میں ہوں تو خواہش ہے
خیال بکھرا ہوا جسم ٹوٹتا مل جائے
میں نذر کر دوں اسے یہ لہولہان بدن
فریب خوردہ عقیدت کا قافلہ مل جائے
اگرچہ حد نظر تک دھواں دھواں ہے فضا
اسی دیار میں ممکن ہے پھر صباؔ مل جائے